سه‌رپه‌رشتیاری ئیداره‌ی گه‌رمیان دڵنیایی دەداتە هاووڵاتییان کە کۆگاکان پڕ خۆراکن

تایبەت

وێنەیەکى سەردانە مەیدانییەکە

سه‌رپه‌رشتیاری ئیداره‌ی گه‌رمیان رایگەیاند: له‌ ئێستادا به‌شی شه‌ش مانگ خۆراكی پێوستی له‌ (برنج، رۆن، ئارد، شه‌كر، فاسۆلیا، نیسك، نۆك و خۆراكه‌كانی دیکە) له‌ كۆگاكاندا هه‌یه‌.

سه‌رپه‌رشتیاری ئیداره‌ی گه‌رمیان به‌ یاوه‌ری قایمقامی قه‌زای كه‌لار و به‌ڕێوه‌به‌ری ناحیه‌ی كۆكس و به‌ڕێوه‌به‌ری چاودێری بازرگانی گه‌رمیان، به‌مه‌به‌ستی دڵنیابوون له‌ بوونی خۆراكی پێویست، كۆمه‌ڵگه‌ی كۆگاكانی كه‌لار و كۆگاكانی باناسیاوی له‌ سنوری ناحیه‌ی كۆكس به‌سه‌ركرده‌وه‌.

له‌و سه‌ردانه‌دا،  جه‌لال شێخ نوری سه‌رپه‌رشتیاری ئیداره‌ی گه‌رمیان، له‌ نزیكه‌وه‌ كۆگاكانی به‌سه‌ركرده‌وه‌ و بازرگانه‌كانی بینی، ده‌رباره‌ی بوونی خۆراكی پێوست بۆ سنوری ئیداره‌ی گه‌رمیان به‌دواداچوونی كرد، جه‌ختیشیكرده‌وه‌ ئیداره‌ی گه‌رمیان وه‌ك هه‌میشه‌ هاوكار و پشتیوانی بازرگانان ده‌بێت بۆ رایی كردنی كاره‌كانیان و دابینكردنی بڕی خۆراكی پێویست بۆ سنوره‌كه‌ .

بازرگان و خاوه‌نی كۆگاكان جه‌ختیان كرده‌وه‌، له‌ ئێستادا به‌شی شه‌ش مانگ خۆراكی پێوستی له‌(برنج، رۆن، ئارد، شه‌كر، فاسۆلیا، نیسك، نۆك و خۆراكه‌كانی دیکە) له‌ كۆگاكاندا هه‌یه‌.

هاوكات، ئه‌وه‌شیان خسته‌ڕوو، زۆربه‌ی ئه‌و خۆراك و پێداویستیانه‌ی ویستی له‌سه‌ره‌ له‌ خوارووی عیراق و وڵاتی توركیاوه‌ هاورده‌ ده‌كرێت بۆ گه‌رمیان و هاورده‌كردنیشیان به‌رده‌وامه‌.

PUKMEDIA