دادگا دۆسیەی لالەزاری یەكلا كردەوە

PUKMEDIA

دادگای سلێمانی

پاش زیاتر لە 11 دانیشتن، ئەمڕۆ دادگای تاوانەكانی سلێمانی، لاهور جەنگی بە پێنج ساڵ و سێ مانگ، پۆڵاد جەنگی بە سێ ساڵ و شەش مانگ و رێبوار حامی حاجی غالی  بە دوو ساڵ زیندانیكردن سزادا.

ئەمڕۆ 15ی 10ی 2026، دادگای تاوانەكانی 2ی سلێمانی، هەریەكە لە لاهور جەنگی بە پێنج ساڵ و سێ مانگ، پۆڵاد جەنگی بە سێ ساڵ و شەش مانگ، رێبوار حامی حاجی غالی  بە دوو ساڵ، ڕێبوار قودرەت بە سێ ساڵ و شەش مانگ، پێشەوا حەسەن بە سێ ساڵ و شەش مانگ، ڕێنوار زریان بە سێ ساڵ و شەش مانگ، ئاراس حەمەعەلی بە یەك ساڵ و شەش مانگ و سەربەست مینا حەمە بە یەك ساڵ و شەش مانگ  زیندانیكردن سزادا، هاوكات دادگاكە، بڕیاری ئازادكردنی دوو دەستگیر كراوی دیكەی لالەزاریشی بەناوەكانی كەیوان و عومەر شێخ دەركرد.

پێشتریش زیاتر لە 11 جار بە ئامادەبوونی تیمی پارێزەران و كەسوكاریان، ناوبراوان لەبەردەم دادوەردا وتەیان لێوەرگیراوەو ئەمڕۆ دادگای 2ی سلێمانی دۆسیەكەی یەكلا كردەوەو لەمڕۆوە سزاكەیان بەسەردا جێبەجێ دەكرێت.

PUKMEDIA