ئەمڕۆ کۆتا رۆژى دابەشکردنى مووچەى مانگى ئەیلولە

PUKMEDIA

دراوى عیراقى

دابەشکردنى مووچەى مانگى ئەیلول لە هەرێمى کوردستان بەردەوامى هەیە و بەگوێرەى خشتەى بڵاوکراوە ئەمڕۆ پێشمەرگە(فەرماندەى دەڤەرى 1و2)، ئەنجومەنى ئاسایش و دەزگاى ئاسایش، پۆلیسى دام و دەزگا نەوتییەکان، فەرماندەیى پێشمەرگەى زێرەڤانى و بەرگرى فریاکەوتن مووچە وەردەگرن.

بە گوێرەی خشتەی بڵاوکراوەی وەزارەتی دارایی و ئابووریی حکومەتی هەرێم، ئەمڕۆ چوار شەممە 14ی 10ی 2026 کۆتا رۆژى دابەشکردنى مووچەیە و "پێشمەرگە(فەرماندەى دەڤەرى 1و2)، ئەنجومەنى ئاسایش و دەزگاى ئاسایش، پۆلیسى دام و دەزگا نەوتییەکان، فەرماندەیى پێشمەرگەى زێرەڤانى و بەرگرى فریاکەوتن" مووچە وەردەگرن.

ئەمەش لەکاتێکدایە، رۆژى 8ى10ى2026 وەزارەتی دارایی و ئابوریى حكومەتی هەرێم، لیستی مووچەی مانگی ئەیلوولی فەرمانبەران و مووچەخۆرانی هەرێمی بڵاوكردەوە و بەگوێرەی خشتەكەش بە چوار رۆژ مووچەی سەرجەم مووچەخۆران دابەشدەكرێت، بەجۆرێک لە یەک شەممە 11ى10ى2026 دەست بەدابەشكردنی مووچەکە دەکرێت و رۆژی چوار شەممە 14ى10ى2026 كۆتایی بەدابەشكردنی دێت.

هاوکات رۆژى پێنج شەممە 8ى10ى2026 وەزارەتی دارایی و ئابووری حکومەتی هەرێم رایگەیاند: ئەمڕۆ بڕی (835.553.000.000 ) هەشت سەد و سی و پێنج ملیار و پێنج سەد و پەنجاو و سێ ملیۆن دینار وەک تەمویلی مووچەی مانگی ئەیلولى فەرمانبەران و مووچەخۆرانی هەرێمی کوردستان خرایە سەر هەژماری بانکی وەزارەتی دارایی و ئابووری هەرێمی کوردستان لە لقی هەولێری بانکی ناوەندی عیراق.

PUKMEDIA