قوباد تاڵەبانی: بۆ پێكەوەژیانی ئاشتییانەی پێكهاتەكان درێژەپێدەری رێبازی مام جەلالین

راگەیاندنی قوباد تاڵەبانی

سەردانی قوباد تاڵەبانی بۆلای بەرەی تورکمانی

قوباد تاڵەبانی رایدەگەیەنێت: شانازی دەكەین كە وەك كورد هەمیشە داكۆكیكاری مافەكانی هەموو پێكهاتەكانی عیراق بووین، سەرۆك مام جەلال-یش بەبێ جیاوازی هەوڵی پاراستن و دابینكردنی مافی پێكهاتەكانی دەداو ئێمەش لەسەر ئەم رێبازە بەردەوامین.

قوباد تاڵەبانی، جێگری سرۆكوەزیرانی هەرێم رایگەیاند: ئێمە شانازی بە كولتووری پێكەوەژیانی ئاشتییانەی هەموو پێكهاتە نەتەوەیی و ئاینییەكان لە كوردستان دەكەین. هەروەها شانازیش دەكەین كە وەك كورد هەمیشە داكۆكیكاری مافەكانی هەموو پێكهاتەكان بووین لە عیراقدا. 

راشیگەیاند: سەرۆك مام جەلال بەبێ جیاوازی هەوڵی پاراستن و دابینكردنی مافی پێكهاتەكان و لەناویشیاندا پێكهاتەی توركمانی دەدا و ئێمەش لەسەر ئەم رێبازە بەردەوامین.

قوباد تاڵەبانی ئاماژەی بەوەشكرد: ئەمڕۆ لە رۆژی نەتەوەیی توركماندا سەردانی نووسینگەی بەرەی توركمانیم كرد لە هەولێر و پیرۆزبایی بۆنەكەم لێ كردن. توركمانەكان پێكهاتەیەكی گرنگی هەرێمی كوردستان و عیراقن و پشتیوانی لە دابینكردنی هەموو مافەكانیان دەكەین.

PUKMEDIA