بەهۆی چاكسازی لەكێڵگەی كۆرمۆر كاتەكانی پێدانی كارەبا كەمدەبنەوە

PUKMEDIA

لۆگۆی وەزارەتی کارەبا

وەزارەتی كارەبا رایدەگەیەنێت: لە ماوەی مانگێكدا لە رۆژی 2 ى 10 تا 2ى11ی 2026، كۆمپانیای دانا غاز دەست بە پڕۆسەی چاكسازیی لە كێڵگەی كۆرمۆر دەكات، بەمەش چەند سەعاتێك ماوەكانی كارەبا كەم دەبنەوە.

وەزارەتی كارەبای حكومەتی هەرێم، ئەمڕۆ 1ی تشرینی یەكەمی 2026، رایگەیاند: هاوبەشانی كارەبا ئاگادار دەكەینەوە لە ماوەی مانگێكدا لە رۆژی  2 ى 10 تا 2ى11ی 2026، كۆمپانیای دانا غاز دەست بە پڕۆسەی چاكسازیی لە كێڵگەی كۆرمۆر دەكات، بەمەش چەند سەعاتێك ماوەكانی كارەبا كەم دەبێتەوە،  بە درێژایی پرۆسەی چاكسازییەكەی داناغاز.

ئاماژەی بەوەشكردووە: وەزارەتی كارەبا و  وەزارەتی سامانە سروشتییەكان هەماهەنگ دەبن بۆ ئەوەی پڕۆسەكە كەمترین كاریگەریی لەسەر سەعاتەكانی كارەبا هەبێت لەناو پرۆژەی ڕووناكی. 

ئەمەش لەكاتێكدایە، ساڵانە پڕۆسەی چاكسازیكردن لە كێڵگەی كۆڕمۆر لەم مانگەدا ساز دەدرێت لەبەر ئەوەی پلەكانی گەرما دادەبەزن و كەمترین كاریگەریی لەسەر كاتەكانی پێدانی كارەبا دەبێت.  

PUKMEDIA