دەنگ بە جێگرانی سەرۆکوەزیران و وەزارەتەکانی دیکەی کابینەکەی زەیدی درا

واع

کۆبوونەوەی ئەمڕۆی ئەنجومەنی نوێنەران

ئەنجوومەنی نوێنەرانی عیراق، لە دانیشتنی ئەمڕۆیدا دەنگی لەسەر ئەو وەزارەتانە دا، کە لە کابینەکەی عەلی زەیدی پڕ نەکرابوونەوە، هاوکات سێ وەزارەتی نوێ زیاد کران و سێ جێگریش بۆ سەرۆکی ئەنجومەنی وەزیرانی عیراق متمانەیان پێدرا، بەڵام متمانەدان بە وەزارەتی کۆچ و کۆچبەران بۆ کاتێکی دیکە دواخراوە.

دیلان غەفور وتەبێژی فراکسیۆنی یەکێتی لە ئەنجومەنی نوێنەرانی عیراق، بە PUKMEDIA ی راگەیاند: لە دانیشتنی کەمێک لەمەوبەری پەرلەمانی عێراق دەنگماندا لەسەر تەواوکردنی کابینەی وەزاریی و پڕکردنەوەی وەزارەتە بەتاڵەکان بەپێی ئەم خشتەیەی خوارەوە جگە لە جێگری سەرۆکوەزیران لە پشکی کوردو وەزارەتی کۆچ و کۆچبەران.

پەیوەست بەو وەزیرانەی لە دانیشتنەکەدا متمانەیان پێدرا، ئەوە  متمانە درا بە:
یاسین عیساوى بۆ پۆستى وەزارەتى ڕۆشنبیری.
محەمەد موسەوى بۆ پۆستى وەزارەتى کار و کاروبارى کۆمەڵایەتى.
محەمەد دەڕاجى بۆ پۆستى وەزارەتى ئابووری ژمارەکان.
عەلى عەبدولهادى بۆ پۆستى وەزارەتى گەشتوگوزار
محەمەد سەمعان بۆ پۆستى وەزارەتى دەوڵەت.
ڕیباز حەملان بۆ پۆستى وەزارەتى ئاوەدانکردنەوە.
یاسر مالیکى بۆ پۆستى وەزارەتى ناوخۆ.
نایف شەممەرى بۆ پۆستى وەزارەتى بەرگرى.
سەفا کینانى بۆ پۆستى وەزارەتى وەرزش و لاوان.
قوتەیبە غازى بۆ پۆستى وەزارەتى پلاندانان.
حەیدەر بەها  پۆستى وەزارەتى خوێندنى باڵا و توێژینەوەى زانستى.

هەر لە دانیشتنەکەدا، هەر یەک لە محسین مەندەلاوی، لەیس خەزعەلی، محەمەد تەمیم وەک جێگرانی سەرۆکی ئەنجومەنی وەزیران متمانەیان پێدرا.

هاوکات، دەنگدان بە وەزارەتی کۆچ و کۆچبەران و فارس بریفکانی بۆ جێگری سەرۆکوەزیران دواخرا.
 
PUKMEDIA