نوێنەری حکومەتی هەرێم بەشداری لە کردنەوەی خولی نوێی پەرلەمانی سوید دەکات

میدیاکان

کردنەوەی خولی نوێی پەرلەمانی سوید

شۆڕش قادر رەحیم نوێنەری حکومەتی هەرێمی کوردستان لە سوید، لەسەر بانگهێشتی پەرلەمانی سوید بەشداری لە کردنەوەی خولی نوێی ئەمساڵی پەرلەمانی سوید لە تەلاری پەرلەمانی سوید کرد.

   ئەم مەراسیمە سەرەتای کاری پەرلەمانی سویدە بۆ ساڵەکانی 2026 و 2027دوای پشوی هاوینەی ئەمساڵ، لەم مەراسیمەدا ، دبلۆماتکاران ، باڵوێزی وڵاتان ، نوێنەرانی چەندین وڵات ، نوێنەری دامودەزگا باڵاکانی سوید وە خێزانی پاشای سوید بەشداربون.

   هەر لە مەراسیمەکەدا، کارل گوستاڤ پادشای سوید لە وتارێکی پێشکەش کرد و جەختی لەو لێپرسراویەتییە کرد کە هەر ئەندام پەرلەمانێك وەك لێپرسراویەتی هەیەتی لە پێناو باشی و چاکی سوید.

پادشای سوید، تیشکی خستە سەر باری ئاسایشی ناوچەکە و دەوروبەر ، بە گرنگیدانێکی تایبەت بە شەڕی نێوان روسیا و ئۆکرانیا وە پێشهاتی ڕوداوە جیهانییەکان.
هەر لە وتارەکەیدا، پاشای سوید جەختی لە ڕوداوە جیهانییەکان کردەوە و کاریگەری ئەو ڕوداوانە لەسەر هەمو جیهان و چەند پێکەوە گرێدراوە و نائارامی لە دەرەوەی سنوورەکانی سوید لە ململانێ و دژواریدان و ئەوەش لێکەوتەی لەسەر  سویدیش هەیە، ئەوەش پێویستی بە هاوکاری نێودەوڵەتی هەیە و بەرپرسیارێتی هاوبەش هەیە لە پێناو ئاشتەوایی و ئاسایشدا.

ئەمەش لەکاتێکدایە، کردنەوەی پەرلەمانی سوید نەریتێکی ساڵانەیە و پادشای سوید لەسەر داوای سەرۆکی پەرلەمان خولی نوێ دەکاتەوە و بۆ چوارهەمین ساڵە نوێنەری حکومەتی هەرێمی کوردستان لە سوید بەشداری ئەو مەراسیمە دەبێت.

PUKMEDIA