لە کەمپێکی پەنابەرانی ئەمریکای باشوور نزیکەی 50 کەس کوژران

ئاژانسەکان

هێرشی گروپە چەکدارەکان

گروپێکی چەکدار هێرشیان کردە سەر کەمپێکی پەنابەران لە هایتی و دەیان کەسیان کوشت و برینداریشی لێکەوتەوە، کەهۆکارەکان بۆ نەبونی سیستمێکی سیاسی سەقامگیر دەگەڕێتەوە.
 
نەتەوە یەکگرتووەکان بڵاویکردەوە: شەوی ڕابردوو گروپێکی چەکداری هێرشیان کردە سەر گەڕەکێکی شاری پۆرت ئۆپرینسی پایتەختی هایتی لە ئەمریکای باشوور، کە لەکەنیسەیەکدا ژمارەیەک پەنابەر جێگیربووبوون، ئەمەش بووەتە هۆی ناڕەزایی دانیشتوانی گەڕەکەکە.
 
ئاماژە بەوەش کراوە،  توندوتیژی بەرامبەر بە هاوڵاتیانی مەدەنی لەلایەن ئەندامانی گروپە چەکدارەکەوە بووە هۆی کوشتنی 47 کەس و برینداربونی 22 کەسی دیکە.
 
لە هایتی بەهۆی نەبوونی سیستمێکی سیاسی سەقامگیر و خزمەتگوزارییە سەرەتاییەکان، گروپە چەکدارەکان ناوچەیەکی بەرفراوانی پایتەخت کۆنترۆڵ دەکەن و بەپێی ئامارەکانی نەتەوە یەکگرتووەکان زیاتر لە ملیۆنێک و 500 کەس لە ماڵ و حاڵی خۆیان ئاوارە بوون و زیاتر لە 5 ملیۆن کەس لەژێر هەڕەشەی برسێتیدان.

PUKMEDIA