كوشنده‌ترین ڤایرۆس له‌ مێژووی كۆنگۆدا بڵاوبووه‌ته‌وه‌

AP

بڵاوبوونەوەی ڤایرۆسی ئیبۆلە له‌ كۆماری كۆنگۆی دیموكرات

ڤایرۆسی ئیبۆلا له‌ماوه‌ی سێ مانگدا زیاتر له‌ دوو هه‌زار كه‌سی كوشتووه‌ و به‌خێرایی ده‌بێته‌ كوشنده‌ترین په‌تا كه‌ له‌ كۆماری كۆنگۆی دیموكرات تۆمار كراوه‌، ڤایرۆسی ئیبۆلا كه‌له‌ مانگی ئایاره‌وه‌ به‌خێرایی بڵاوبووه‌ته‌وه‌، تائێستا هیچ چاره‌سه‌ر و ڤاكسینێكی نییه‌.

به‌گوێره‌ی ئاماره‌كانی حكومه‌تی ئه‌و وڵاته‌، بڵاوبوونه‌وه‌ی ڤایرۆسی ئیبۆلا له‌یه‌كێك له‌ناوچه‌ مه‌ترسیداره‌كانی كۆنگۆ بووه‌ته‌ خێراترین په‌تا كه‌ تائێستا 4 هه‌زار و 945 حاڵه‌تی تووشبوون هه‌یه‌و له‌و ژماره‌یه‌ش 2 هه‌زار و 325 كه‌س گیانیانله‌ده‌ستداوه‌.

بڵاوبوونه‌وه‌ی ڤایرۆسی ئیبۆلا كه‌له‌ مانگی ئایاردا سه‌ریهه‌ڵداو به‌خێرایی بووه‌ته‌، ١٧هه‌مین په‌تایه‌ كه‌ له‌ كۆماری كۆنگۆی دیموكراتیكدا بڵاوبێته‌وه‌، به‌راوورد به‌ ڤایرۆسی كۆرۆنا رێژه‌كه‌ له‌هه‌ڵكشاندایه‌ به‌جۆرێك به‌هۆی ڤایرۆسه‌ كۆنه‌كه‌وه‌ سێ هه‌زار و 481 حاڵه‌تی تووشبوون و دوو هه‌زار و 299 حاڵه‌تی گیانله‌ده‌ستدانی تۆماركرابوو.

دوایین داتاكان ده‌ریده‌خه‌ن له‌ماوه‌ی 24 سه‌عاتی ڕ‌ابردوودا 101 حاڵه‌تی نوێی تووشبوون و 33 حاڵه‌تی گیانله‌ده‌ستدان تۆماركراون و زیاتر له‌ هه‌زار كه‌سیش چاكبوونه‌ته‌وه‌، هاوكات 730 كه‌سیش هێشتا له‌ نه‌خۆشخانه‌كانه‌ن یان له‌ كه‌ره‌نتینه‌دان، لای خۆیه‌وه‌ ڕ‌ێكخراوی ته‌ندروستی جیهانی ده‌ستیكردووه‌ به‌ ناردنی 70 هه‌زار ژه‌می ڤاكسینی "ئێرڤێبۆ" و له‌قۆناغی یه‌كه‌میشدا 16 هه‌زار ژه‌می ڤاكسین گه‌یشتووه‌ته‌ كۆنگۆ.

PUKMEDIA