سبەینێ پەرلەمانى عیراق خوێندنەوەى یەکەم بۆ چەند پڕۆژەیاسایەک دەکات

دانیشتنی ئەنجومەنی نوێنەران/ ئەرشیف

راگەیاندنی ئەنجومەنی نوێنەرانی عیراق

بڕیارە سبەینێ یەکشەممە 23ی ئابی 2026، ئەنجومەنی نوێنەرانی عیراق دانیشتنی ئاسایی خۆی ئەنجام بدات، بەمەبەستی تاووتوێکردنی ژمارەیەک پڕۆژەیاسا کە خستوونیەتە ناو بەرنامەی کاری دانیشتنەکەیەوە.

لە راگەیەندراوێکدا کە کۆپییەکی دەست PUKMEDIA کەوتووە، فەرمانگەی راگەیاندنی ئەنجومەنی نوێنەران بڵاویکردوەتەوە، سبەینێ لە دانیشتنەکەدا کە سەعات 1ى پاشنیوەڕۆ بەڕێوەدەچێت چەند پرۆژە یاسایەک خوێندنەوەی بۆ دەکرێت، کە ئەمانەن:

خوێندنەوەی یەکەم بۆ پڕۆژەیاسای هەموارکردنی یەکەمی یاسای شارۆچکە پیشەسازییەکان ژمارە (2)ی ساڵی 2019.

خوێندنەوەی یەکەم بۆ پڕۆژەیاسای رێکخستنی وزەی نوێبووەوە.

خوێندنەوەی یەکەم بۆ پڕۆژەیاسای هەموارکردنی یەکەمی یاسای بەرگریی شارستانی ژمارە (44)ی ساڵی 2013.

خوێندنەوەی یەکەم بۆ پڕۆژەیاسای پەسەندکردنی پەیماننامەی هاوبەشیی ستراتیژی لە نێوان کۆماری عیراق و کۆماری فەرەنسادا.

خوێندنەوەی یەکەم بۆ پڕۆژەیاسای هەموارکردنی یەکەمی یاسای رزگاربووانی ئێزدی ژمارە (8)ی ساڵی 2021.

PUKMEDIA