پەرلەمانی عیراق بۆ تاوتوێکردنی چەند پڕۆژەیاسایەک کۆدەبێتەوە

راگەیاندنی ئەنجومەنی نوێنەرانی عیراق

دانیشتنی ئەنجومەنی نوێنەران/ ئەرشیف

بڕیارە ڕۆژی یەکشەممەی داهاتوو، 23ی ئابی 2026، ئەنجومەنی نوێنەرانی عیراق دانیشتنی ئاسایی خۆی ئەنجام بدات، بەمەبەستی تاووتوێکردنی ژمارەیەک پڕۆژەیاسا کە خستوونیەتە ناو بەرنامەی کاری دانیشتنەکەیەوە.

لە ڕاگەیەندراوێکدا کە کۆپییەکی دەست PUKMEDIA کەوتووە، فەرمانگەی راگەیاندنی ئەنجومەنی نوێنەران بڵاویکردەوە، لە دانیشتنەکەی ڕۆژی یەکشەممەدا چەند پرۆژە یاسایەک خوێندنەوەی بۆ دەکرێت:

خوێندنەوەی یەکەم بۆ پڕۆژەیاسای هەموارکردنی یەکەمی یاسای شارۆچکە پیشەسازییەکان ژمارە (2)ی ساڵی 2019.

خوێندنەوەی یەکەم بۆ پڕۆژەیاسای ڕێکخستنی وزەی نوێبووەوە.

خوێندنەوەی یەکەم بۆ پڕۆژەیاسای هەموارکردنی یەکەمی یاسای بەرگریی شارستانی ژمارە (44)ی ساڵی 2013.

خوێندنەوەی یەکەم بۆ پڕۆژەیاسای پەسەندکردنی پەیماننامەی هاوبەشیی ستراتیژی لە نێوان کۆماری عێراق و کۆماری فەرەنسادا.

خوێندنەوەی یەکەم بۆ پڕۆژەیاسای هەموارکردنی یەکەمی یاسای ڕزگاربووانی ئێزدی ژمارە (8)ی ساڵی 2021.

PUKMEDIA