سەرۆک بافڵ: هەوڵەکان بۆ نزیککردنەوەی لایەنە سیاسییەکان بێت

راگەیاندنی سەرۆکی یەکێتی

سەرۆک بافڵ و سەید عەممار حەکیم

بافڵ جەلال تاڵەبانی، سەرۆکی یەکێتیی نیشتمانیی کوردستان لە بەغداد لەگەڵ سەید عەممار حەکیم، سەرۆکی رەوتی حیکمە کۆبووەوە.

لە دیدارێکدا کە د. خالید شوانی، سەرپەرشتیاری مەکتەبی سیاسی لە بەغداد ئامادەبوو، دوایین گۆڕانکارییە سیاسی و ئەمنی و ئابوورییەکان لەسەر ئاستی وڵات و ناوچەکە تاوتوێکرا و جەخت لەسەر پێویستیی بەردەوامیی گفتوگۆی بونیادنەرانەی نێوان لایەنەکان کرایەوە، لەپێناو پاراستنی ئاسایش و بەهێزکردنی دامەزراوەکانی وڵات.

سەرۆک بافڵ دووپاتی لە زیاتر خزمەتکردنی خەڵک و چارەسەرکردنی کێشەکان کردەوە، بەشێوەیەک هەموو هەوڵەکان بۆ پاراستنی سەقامگیریی سیاسی و نزیککردنەوەی دیدگای لایەنە سیاسییەکان بێت.

PUKMEDIA