کەشناسی: ناوەڕاستی هەفتەی داهاتوو پلەکانی گەرما دادەبەزن

ناسیح عەلی خەیات

سروشتی هەرێمی کوردستان

دەستەی کەشناسی، ئەمڕۆ هەینی، ڕەوشی کەشوهەوای لە سەرتاسەری عیراق بۆ چوار ڕۆژی داهاتوو ڕاگەیاند، و پێشبینی دابەزینی پلەکانی گەرمای کرد لە ڕۆژی دووشەممەی داهاتووەوە.

لە ڕاگەیەندراوێکی دەستەی کەشناسی عیراقدا هاتووە: سبەینێ شەممە، کەشوهەوا لە سەرتاسەری وڵات ساماڵ دەبێت، و پلەکانی گەرما هاوشێوەی ڕۆژی پێشتر دەبن.

ڕاگەیەندراوەکە ئاماژەی بەوەش کردووە کە بەرزترین پلەکانی گەرمای پێشبینیکراو بۆ ڕۆژی شەممە لە هەموو پارێزگاکانی عیراق بەم شێوەیە دەبن: دهۆک 41، سلێمانی 42، هەولێر و ئەنبار 44، نەینەوا 45، کەرکووک 46، سەلاحەدین و کەربەلا47، بەغدا و دیالە و بابل و نەجەف 48، دیوانییە و وسەنا و واست 49، میسان و ذی قار و بەسڕە 50 پلەی سیلیزی.

زیاتریش هاتووە: کەشوهەوای ڕۆژی یەکشەممە لە سەرتاسەری عیراق ساماڵ دەبێت، و پلەکانی گەرما نزیک دەبنەوە لەوەی لە ڕۆژی پێشتردا تۆمارکراون.

ئاماژەی بەوەش کردووە: ڕۆژی دووشەممە کەشوهەوا لە سەرتاسەری وڵات ساماڵ دەبێت، و پلەکانی گەرما لە ناوچەکانی ناوڕاست و باشوور هاوشێوە دەبن و لە ناوچەکانی باکوور کەمێک دادەبەزن.

لە کۆتایی ڕاگەیەندراوەکەدا هاتووە: کەشوهەوای ڕۆژی سێشەممە لە سەرتاسەری وڵات ساماڵ دەبێت، و پلەکانی گەرما لە ناوچەکانی ناوڕاست و باشوور کەمێک دادەبەزن و لە ناوچەکانی باکوور هاوشێوەی ڕۆژی پێشتر دەبن.

PUKMEDIA