دەستەی دەستپاکی: 34 تۆمەتبار دەستگیردەکرێن

راگەیاندنی دەستەی دەستپاکی

دەستەی دەستپاکی

دەستەی دەستپاکی رایدەگەیەنێت: فەرمانی دەستگیرکردن بۆ 34 تۆمەتبار دەرکراوە کە تۆمەتبارن بە دەستبەسەرداگرتنی موڵکی دەوڵەت.

دەستەی دەستپاکی عیراق لە پەیامێکدا رایگەیاندووە: بە بڕیاری دادوەر فەرمانی دەستگیرکردن و بۆ (34) تۆمەتبار دەردەکرێت بە تۆمەتی دەستبەسەرداگرتنی دوو موڵکی دەوڵەتی لە ئەنبار.

ئاماژەی بەوەش داوە: ڕووبەری هەردوو موڵکەکە (40) دۆنم بووە و دابەش کراون بۆ (336) پارچە زەوی، کە بڕیاری دادوەر دەرکراوە بۆ دەستبەسەرداگرتنی موڵکەکان و قەدەغەکردنی هەر جۆرە مامەڵەیەک پێیانەوە.

ئەمەش لەکاتێکدایە پێشتر حەیدەر عەبوودی، وتەبێژی حكومەتی عیراق لەچاوپێككەوتنێكدا ئاماژەی بەوەكرد لە ئۆپەراسیۆنەكانی ئەم دواییەی دژی گەندەڵی 206 ملیار دینار، 141 ملیۆن دۆلار و 500 كیلۆ زێڕ داهات بۆ دەوڵەت گەڕێنراوەتەوە، لێكۆڵینەوەكانیش لە دۆسییەكانی گەندەڵی بەردەوام دەبن.

ئەم پرۆسەیەش لە چوارچێوەی هەوڵەکانی عەلی زەیدی سەرۆک وەزیرانی نوێی عیراقە، بۆ گێڕانەوە موڵک و داهاتی دەوڵەت و دەستگیرکردن و سزادانی تۆمەتباران لە ئاستە باڵاکانی دەسەڵات و بەکارهێنانەوەی لەپێناو بەرژەوەندی گشتی.


PUKMEDIA