ئاگرەکەی کەنەدا ماڵ بە 20 هەزار کەس چۆڵدەکات

independentarabia

بەشێک لە ئاگرەکە

بەهۆی ئاگرێکی گەورەی دارستانەکان لە کەنەدا باری نائاسایی راگەیەندرا، کە بەهۆیەوە زیاتر لە 20 هەزار کەس ناچار بە چۆڵکردنی ماڵەکانیان بوون و دەیان کەسیش گیریان خواردووە.

بەرپرسانی کەنەدا لە هەرێمی بریتیش كۆڵۆمبیا دوای کەوتنەوەی ئاگرێکی گەورە لە دارستانەکان باری نائاساییان راگەیاند، دوای ئەوەی ئاگرێکی بەهێز و خێرا زیاتر لە 20 هەزار کەسی ناچار کرد لە شەوەوە ماڵەکانیان چۆڵ بکەن.

بەهۆی خێرایی بڵابوونەوەی ئاگرەکە و گۆڕانکاریی لە دۆخەکەدا، ژمارەیەک هاووڵاتی لە ناوچەکەدا گیریان خواردووە و تیمە فریاگوزارییەکان بە هەلیکۆپتەر دەستیان بە گواستنەوەیان کردووە.

سەرۆکوەزیرانی کەنەدا وێڕای دەستخۆشی لە تیمەکانی ئاگرکوژێنەوە، رایگەیاند کە حکومەت بە هەموو توانایەوە هاوکاریی ناوچە زیانلێکەوتووەکان دەکات و بەرپرسانی خۆجێیش هۆشداری دەدەن کە ئاگرەکە هێشتا بە توندی بەردەوامە.

PUKMEDIA