داوای وردبینی لەسەروەتی لێپرسراوانی پێشووی وەزارەتی کارەبا دەکرێت

واع

عەلی سەعدی وەهیب، وەزیری کارەبای عیراق

ئەمڕۆ 5ی8ی2026، عەلی سەعدی وەهیب، وەزیری کارەبای عیراق بە رەسمی داوای لە دەستەی دەستپاکی عیراق کردووە وردبینی لە سەروەت و سامانی ئەوانەدا بکات کە لە ساڵی 2005 تا 2026 پۆستیان لە وەزارەتی کارەبا هەبووە.

بەپێی نوسراوێک کە ئاڕاستەی سەرۆکی دەستەی دەستپاکی کراوە، وەزارەتی کارەبا لیستی ناوی وەزیر و جێگری وەزارەت و بەڕێوەبەرە گشتییەکان و خاوەن پلە تایبەتەکانی ئاڕاستەی دەستەی دەستپاکی کردووە کە لە نێوان ساڵانی 2005 بۆ 2026 پلەیان هەبووە،

 لە نوسراوەکەدا، وەزارەتی کارەبا داوای کردووە وردبینی و پشکنین بۆ سەروەت و سامانی خۆیان و کەسوکاریان بکرێت.

وەزارەتی کارەبا ئەم رێکارەی لە چوارچێوەی بەهێزکردنی شەفافیەت و پاراستنی سامانی گشتیدا ئەنجام داوە و داوا دەکات بەپێی ڕێنماییەکانی ژمارە 2ی ساڵی 2017ی تایبەت بە ئاشکراکردنی دارایی رێکاری یاسایی پێویست بگیرێتە بەر.

PUKMEDIA