وەزارەتی داد: لە مانگی رابردوودا 519 کەس ئازاد کراون

واع

تەواوکردنی مامەڵەی زیندانیان

وەزارەتی دادی عیراق، ئاشکرای کرد، لە ماوەی مانگی تەموزدا 519 کەس لە بەغداد و پارێزگاکانی دیکە ئازاد کراون و دووپاتیشی دەکاتەوە، فەرمانگەی چاکسازی بەردەوامە لە تەواوکردنی رێککارەکانی ئازادکردنی ئەو کەسانەی بڕیاری ئازادبوون دەیانگرێتەوە.

 بەپێی راگەیەندراوێکی وەزارەتی داد، لە ماوەی مانگی تەموزدا 519 کەس ئازاد کراون، لەو ژمارەیەش 345 کەسیان بە بڕیاری دادوەر ئازاد کراون، هەروەها 174 کەسی دیکەش بە بڕیاری لێخۆشبوونی گشتی ئازاد کراون.

وەزارەتەکە، ئاماژەی بەوەشکردووە: کە فەرمانگەی چاکسازیی عیراق، بەردەوامە لە تەواوکردنی رێکارەکانی ئازادکردنی ئەو کەسانەی لە چوارچێوەى یاسادا ئازاد دەکرێن.

PUKMEDIA