کۆماندۆ خزمەتگوزاری پزیشکی و فریاگوزاری سەرەتایی پێشکەشی زیارەتکاران دەکات

PUKMEDIA

هێزەکانی کۆماندۆ

فەرماندەیی هێزەکانی کۆماندۆی کوردستان بەدروشمی "لە پێناو خزمەتکردنی مرۆڤایەتی و پێکەوە ژیانی ئاشتیانە" لە نێوان پێکهاتەکانی عێراق، لە پارێزگای کەربەلا خزمەتگوزاری پزیشکی و فریاگوزاری سەرەتایی پێشکەش بە زیارەتکارانی چلەی ئیمام حسێن (سەلامی خوای لێبێت) کرد.

لە چوارچێوەی بەها بەرزەکانی مرۆڤایەتی و بە ئامانجی قووڵکردنەوەی گیانی پێکەوەژیانی ئاشتیانە لەنێوان تەواوی پێکهاتەکانی عێراق، فەرماندەیی هێزەکانی کۆماندۆی کوردستان کۆتایی بە هەڵمەتی بەرفراوانی خزمەتگوزاریی پزیشکی و فریاگوزاریی سەرەتایی بۆ زیارەتکارانی چلەی ئیمام حسێن (سەلامی خوای لێبێت) لە ڕێگەی دانانی نەخۆشخانەیەکی (مەیدانی) لەسەر ڕێگەی "حلە – کەربەلای پیرۆز" هێنا.

نەخۆشخانەی مەیدانی "کۆماندۆی کوردستان" لە ماوەی نێوان رۆژانی 23ی تەمموز تا 4ی ئابی 2026 بەردەوام و 24 سەعات لە ئامادەباشیدابوون بۆ ڕووبەڕووبوونەوەی هەر بارودۆخێکی لەناکاو و پێشکەشکردنی چارەسەری پێویست بە زیارەتکاران و هاووڵاتیانی سنورەکە.

ئاماری گشتیی خزمەتگوزارییە تەندروستییەکان بەمشێوەیە بوون:

چارەسەر و بەخشینی دەرمان (عیلاج)  12.226 حاڵەت.
پشکنینی پەستانی خوێن (زەخت) 8.352 حاڵەت.
پشکنینی شەکرە 7.940 حاڵەت.
برینپێچی (تەداوی) 3.982 حاڵەت.
شیکاری پێکهاتەکانی خوێن  477 حاڵەت.
دورینەوەی برین 128 حاڵەت.
گواستنەوەی نەخۆش لەسەر ڕێگاکانەوە بۆ نەخۆشخانەی" مەیدانی کۆماندۆ" 8 حاڵەت.

نەخۆشییە پسپۆڕییەکان:

رەوانەکردنی نەخۆش بۆ نەخۆشخانەکانی کەربەلا 10 حاڵەت.
پێوەدانی دووپشک  9 حاڵەت.
جەڵتەی دڵ  2 حاڵەت.
لەبارچوونی کۆرپەلە 1 حاڵەت.

هاوکات، فەرماندەیی هێزەکانی کۆماندۆی کوردستان دووپاتیدەکاتەوە، کە هاوتەریب لەگەڵ ئەنجامدانی ئەرکە ئەمنییە بنەڕەتییەکان لە پاراستنی ئاسایش و سەقامگیری، وەک دامەزراوەیەکی بەرپڕسیار بەردەوام دەبێت لە جێبەجێکردنی ئەرکە مرۆیی، تەندروستی و کۆمەڵایەتییەکانی لە پێناو خزمەتکردنی سەرجەم پێکهاتەکانی عێراق.

بۆ بینینی ڤیدیۆ کلیک لێرە بکە:

PUKMEDIA