وەزیری گەنجینەی ئەمریکا: ئەمڕۆ یان سبەینێ لەگەڵ ئێران ڕێکدەکەوین

Reuters

سکوت پێسنت وەزیری گەنجینەی ئەمریکا

وەزیری گەنجینەی ئەمریکا ئاشکرای دەکات،ئەگەر هەیە ئەمڕۆ یان سبەینێ لەبارەی گەروی هورمز لەگەڵ ئێران ڕێکبکەوین و ئێرانیش دەڵێت: هیچ نیازێکمان نییە گرژییەکانی ناوچەکە فراوان بکەین.

سکوت پێسنت وەزیری گەنجینەی ئەمریکا، لە لێدوانێکیدا لەگەڵ کەناڵی CNBC، رایگەیاند: ویلایەتە یەکگرتووەکان ،لەوەیە ئەمڕۆ سێشەممە یان سبەینێ لەگەڵ ئێران لەسەر گەرووی هورمز رێکدەکەوێت.

وتیشی: چەندین کەشتی بە گەروی هورمزدا تێپەڕیوون و تاوەکو ئێستاش بەردەوامە.

 لەلایەکی دیکەوە، لیوا موحسین رەزایی، فەرماندەی پێشووتری سوپای پاسداران، رایگەیاند: ئێران نیازی فراوانکردنی جەنگی نییە، هەروەها حەزیش ناکات ململانێ لە نێوان وڵاتانی ناوچەکە سەرهەڵبدات، چونکە ئەمە دەبێتە هۆی فراوانبوونی جەنگ، بۆیە رێگای دیپلۆماسی رێگا راستەکەیە و پێویستە بەردەوام بین لەسەری.

ئەمەش لەکاتێکدایە، دۆناڵد ترەمپ دوێنێ رایگەیاند ئێران لەبەردەم مەترسییەکی گەورەی سەربازیدایە، ئەگەر مەرجەکانی ئەمریکا قبوڵ نەکات،هەروەها لە کاتێکدا واشنتن باس لە گفتوگۆی نهێنی دەکات، تاران بە رەسمی ڕەتیدەکاتەوە مێزی دانوستان لەگەڵ کۆشکی سپی هەبێت.

PUKMEDIA