لەتیف نێروەیى: چەپکە گوڵەکەى سەرۆک مام جەلال لە PUKMEDIA رەنگدەداتەوە

PUKMEDIA

لەتیف نێروەیى لێپرسراوى بۆردى راگەیاندنى یەكێتیی نیشتمانیی كوردستان

ئەمڕۆ وێبسایتى PUKMEDIA  هەردوو بەشى زمانى فارسى و تورکى کردەوە و لێپرسراوى بۆردى راگەیاندنیش ئەوەى خستەڕوو: چەپکە گوڵەکەى سەرۆک مام جەلال لە PUKMEDIA  رەنگدەداتەوە و خۆشحاڵین تیمە دبلۆماسییەکانى کە لە هەرێمى کوردستانن وەکو سەرچاوەیەکى گرنگ و جێگاى متمانە مامەڵە لەگەڵ PUKMEDIA  دەکەن.

لەو بارەیەشەوە لەتیف نێروەیى لێپرسراوى بۆردى راگەیاندنى یەكێتیی نیشتمانیی كوردستان رایگەیاند: کردنەوەى بەشى تورکى و فارسى بۆ وێبسایتى رەسمى یەکێتیى نیشتمانیى کوردستان PUKMEDIA  هەنگاوێکى گرنگە لەبەرئەوەى زمانى دوو وڵاتى دراوسێ و زلهێزى هەرێمین، هاوکات ئەم دوو وڵاتە سنورێکى فراوانیان لەگەڵ هەرێمى کوردستان هەیە، هەروەها پەیوەندیەکى فراوانى بازرگانى، ئابورى، کەلتورى، فەرهەنگى و دبلۆماسیمان هەیە.

ناوبراو روونی کردەوە: لە رێگای بەشى فارسی و تورکی PUKMEDIA  ئێمە وەک یەکێتی پەیامی رەسمی، سیاسەت، هەڵوێست و دیدگای یەکێتیی نیشتمانیی کوردستان بۆ پرسە جۆراوجۆرەکان بە رای گشتی، نوخبەی سیاسی، میدیایی و دیبلۆماسیی ئەو دوو وڵاتە دەگەیەنین، هەروەک چۆن بۆ ئەوان گرنگە پەیام و سیاسەتی خۆیان بە زمانی شیرینى کوردی و لە رێگەی تەلەفزیۆن، رادیۆ و میدیای نوێوە بە گەلی کوردستان بگەیەنن، بۆ ئێمەش گرنگە کە پەیامەکانمان بە زمانەکانی فارسی و تورکی بە هەردوو وڵاتی دراوسێ بگەیەنین.

لەتیف نێروەیى لێپرسراوى بۆردى راگەیاندنى یەكێتیی نیشتمانیی كوردستان ئاشکراى کرد: لە ئایندەیەکى نزیکدا بەشى "رووسى"یش دەکەینەوە و چەپکە گوڵەکەى سەرۆک مام جەلال لە PUKMEDIA  رەنگدەداتەوە، هاوکات خۆشحاڵین تیمە دبلۆماسییەکانى کە لە هەرێمى کوردستانن وەکو سەرچاوەیەکى گرنگ و جێگاى متمانە مامەڵە لەگەڵ PUKMEDIA  دەکەن.

ئەمڕۆ دوو شەممە  3ى8ى2026 له‌هه‌وڵێكی نوێدا وێبسایتی ره‌سمی یه‌كێتیی نیشتمانیی كوردستان  PUKMEDIA به‌شی فارسی و توركی كرده‌وه ‌و به‌م هه‌نگاوه‌ش له‌ئێستادا وێبسایته‌كه‌ به‌ زمانه‌كانی " كوردی سۆرانی، كوردی كرمانجی، عه‌ره‌بی، ئینگلیزی، فارسی، توركی" په‌خشی هه‌واڵ و زانیارییەكانی ده‌كات، هاوكات به‌شێوه‌زاری بادینی-یش په‌یجی فه‌یسبوكی هه‌یه‌، ئه‌مه‌ جگه‌ له‌ئه‌وه‌ی له‌ تۆڕه‌كۆمه‌ڵایه‌تییه‌كانی وه‌ك (یوتیوب و ئنیستاگرام و ئێكس و فه‌یسبوك و تلگرام) په‌یج و جه‌ناڵی تایبه‌ت به‌خۆی هه‌یه‌ و له‌ماوه‌یه‌كی نزیكیشدا به‌شی رووسی ده‌كاته‌وه‌.


له‌م سه‌كۆ میدیاییه‌ى PUKMEDIA  هە‌واڵ و هه‌ڵوێسته‌ ره‌سمییه‌كانی یه‌كێتیی نیشتمانیی كوردستان بڵاوده‌بێته‌وه،‌ كه‌ به‌وپه‌ڕ‌‌ی پرۆفیشناڵی و پشتبه‌ستن به‌سه‌رچاوه ‌و راستی و متمانه‌ و رێزگرتن له‌ خوێنه‌رانی كاره‌ میدیاییه‌كانی ده‌كات و به‌رهه‌مهێنانی میدیایی له‌ راپۆرت و هه‌واڵ و ژانره‌كانی دیكه‌دا پێشكه‌ش ده‌كات.

وێبسایتی PUKMEDIA  له‌ رۆژی 22ى1ى2003 به‌ بڕ‌‌یارێكی مه‌كته‌بی راگه‌یاندنی یه‌كێتیی نیشتمانیی كوردستان ده‌ستی به‌كاركردن كرد و تائێستاش به‌رده‌وامه‌، سه‌ره‌تا به‌ زمانه‌كانی كوردی و عه‌ره‌بی، پاشان چه‌ند زمانێكی دیكه‌ی بۆ زیادكرا.


PUKMEDIA