پلەی گەرمای پێنج پارێزگا دەگاتە 50 پلەی سیلیزی

ميدياكان

بەرزبوونەوەی پلەی گەرما

كەشناسی عیراق پێشبینییەكانی بۆ كەشوهەوای رۆژانی داهاتوو بڵاوكردەوە و بەپێی پێشبینییەكان، سبەی شەممە لە پێنج پارێزگا پلەی گەرما دەگاتە 50 پلەی سیلیزی.

دەستەی كەشناسی عیراق رایگەیاندووە: سبەی كەش ساماڵ و گەرم دەبێت، لەگەڵ بوونی هەندێك هەور لە تەواوی وڵات، پلەكانی گەرماش لەپارێزگاكانی سلێمانی و دهۆك 43 پلە، لە هەولێر 44 پلە،  لە نەینەوا و ئەنبار 47 پلە، دیالەش 48 پلەی سلیزی دەبێت، بەڵام لە پارێزگاكانی كەركوك، بەغداد، بابل، سەڵاحەدین، واست، كەربەلا و دیوانیە بەرز دەبێتەوە بۆ 49 پلەی سیلیزی.

راشیگەیاندووە: هاوكات لە پێنج پارێزگای دیكەش كە بریتین لە نەجەف، موسەننا، زیقار، میسان و بەسرە 50 پلەی سیلیزی دەبێت.

دەستەی كەشناسی بۆ كەشوهەوای رۆژی یەكشەممە ئاماژەی بەوەكردووە، كەش ساماڵ دەبێت لەگەڵ بوونی پەڵە هەور لە ناوچەكانی باكوور، پلەكانی گەرماش هاوشێوەی ڕۆژی شەممە دەبن.

PUKMEDIA