فراکسیۆنی یەکێتی لە ئەنجومەنی نوێنەران: عیراق لە ئاڵۆزییەکان بەدوور بگیرێت

PUKMEDIA

لۆگۆی یەکێتیی نیشتمانیی کوردستان

فراکسیۆنی یەکێتیی نیشتمانیی کوردستان لە ئەنجومەنی نوێنەرانی عیراق، دەستدرێژییەکانی بۆ سەر خاکی عیراق سەرکۆنە کرد و داوای کرد وڵاتەکە لە ئاڵۆزییەکانی ناوچەکە بەدوور بگیرێت.

لە ڕاگەیەندراوێکی فراکسیۆنی یەکێتیی نیشتمانیی کوردستان لە ئەنجومەنی نوێنەران، کە دەست PUKMEDIA کەوتووە، هاتووە: "فراکسیۆنی یەکێتیی نیشتمانیی کوردستان دەستدرێژییە ئاشکراکەی سەر هێزەکانی حەشدی شەعبی سەرکۆنە دەکات.

لە بەشێکی تری ڕاگەیەندراوەکەدا هاتووە: بە هەمان شێوە ئیدانە و سەرکۆنەی ئەو ئامانجگرتنە بەردەوامانە دەکەین کە دەکرێنە سەر هەرێمی کوردستان و بە پێشێلکارییەکی ئاشکرای سەروەریی نیشتمانی، یاسا نێودەوڵەتییەکان و بنەماکانی هاوسێیەتی دادەنێین.

لە کۆتایی بەیاننامەکەی فراکسیۆنی یەکێتیدا هاتووە:  "لە کاتێکدا ئەم دەستدرێژییانە بۆ سەر خاکی عیراق سەرکۆنە دەکەین، تەئکید لە پێویستیی بەدوورگرتنی عیراق لەو ئاڵۆزییانە دەکەینەوە کە ناوچەکە بەخۆیەوە دەیبینێت، هەروەها بەکارنەهێنانی خاکەکەی بۆ هەڕەشەکردن لە وڵاتانی دراوسێ".

PUKMEDIA