جێگری سەرۆکی هەرێم لەگەڵ راوێژکاری سەربازیی هۆڵەندا کۆبووەوە

نوسینگەی راگەیاندنی شێخ جەعفەر شێخ مستەفا

شێخ جەعفەر شێخ مستەفا و کارن ڤان گیرسبێرخن

ئەمڕۆ دووشەممە 27ی7ی2026 شێخ جەعفەر شێخ مستەفا، جێگری سەرۆکی هەرێمی کوردستان پێشوازییکرد لە کارن ڤان گیرسبێرخن، راوێژکاری سەربازیی هۆڵەندا لە هاوپەیمانیی نێودەوڵەتیی دژ بە داعش.

لە کۆبوونەوەکەدا، دۆخی سیاسی و ئەمنیی عیراق و ناوچەکە، دوایین پێشهاتەکانی رۆژهه‌ڵاتى ناوه‌ڕاست و لێكه‌وته‌كانى بەسەر عیراق و هەرێمی کوردستان، گفتوگۆیان لە بارەوەکرا.

لە تەوەری پەیوەندییەکاندا، جەخت لە گرنگیی بەردەوامیی پەیوەندییەکان و فراوانکردنیان، هەروەها برەودان بە هاریکاریی هاوبەش کرایەوە لە بواری سەربازی و ئەمنیدا، هەروەک هەڕەشە و مەترسییەکانی داعش بۆ سەر ناوچەکە و هاوکارییە سەربازییەکانی هاوپەیمانان بۆ پێشمەرگە لەگەڵ پرۆسه‌ى چاكسازى و يه‌كخستنه‌وه‌ى پێشمه‌رگه، تەوه‌رێكی ديكەی كۆبوونه‌وەکە بوو.

PUKMEDIA