نرخی نەوت بەرێژەی لە 16% بەرزبووەوە

میدیاکان

بەرزبوونەوەی نرخی نەوت

بەهۆی دەستپێکردنەوەی جەنگی ئەمریکا و ئێران، مەترسی لەسەر بازاڕی وزە دروست بووە و بەهۆیەوە نرخی یەک بەرمیل نەوتی برێنت بۆ سەروی 88 دۆلار بەرزبووە، بەمەش لە ماوەی یەک هەفتەدا نرخەکەی بەرێژەی %16 بەرزبووەتەوە.

بەپێی ماڵپەڕی (OIL PRICE)، نرخی یەک بەرمیل نەوتی برێنت، سێ دۆلار و 87 سەنتی دیکە و بەرێژەی 4.59% بەرزبووە و نرخەکەی گەیشتە 88 دۆلار و 10 سەنت.

هاوکات، نرخی یەک بەرمیل نەوتی تەکساس سێ دۆلار و 54 سەنت بەرزبووەوە و بە 82 دۆلار و 54 سەنت مامەڵەی پێوە دەکرێت.

جەنگی ئەمریکا و ئێران، لە هەفتەی رابردووەوە دەستی پێکردووەتەوە، بەمەش کۆتایی بەو ئاگربەستە هێنرا کە لە سویسرا ئیمزایان کردبوو، بەمەش جارێکی دیکە گەروی هورمز داخرایەوە و ترسی ئەوەش هەیە، حوسییەکانی یەمەن گەروی بابولمەندەب لە دەریای سور دابخەن، بۆیە نرخی نەوت  بەشێوەیەکی بەرچاو بەرزبووەوە، بەشێوەیەک لە ماوەی ئەو هەفتەیەدا، بەرێژەی لە 16% بەرزبووەوە.

PUKMEDIA