یەک بەرمیل نەوتی برێنت لەسەروی 85 دۆلارەوە مامەڵەی پێوەدەکرێت

میدیاکان

بەرزبوونەوەی نرخی نەوت

نرخی نەوت لە بازاڕەکانی جیهان لە بەرزبوونەوەی بەردەوامدایە و بەشێوەیەک یەک بەرمیل نەوتی برێنت لەسەروی 85 دۆلارەوە مامەڵەی پێوەدەکرێت، نەوتی تەکساسیش بەرێژەیەکی بەرچاو نرخەکەی بەرزبووەتەوە.

ئەمڕۆ 15ی7ی2026، نرخی نەوت بەرزبووەوە، بە پێی ماڵپەڕی (OIL PRICE)، یەک بەرمیل نەوتی برێنت 60 سەنتی دیکە بەرزبووەوە و بە 85 دۆلار و 33 سەنت مامەڵەی پێوەدەکرێت.
هاوکات، نەوتی تەکساسیش لە بەرزبوونەوەی بەردەوامدایە و یەک بەرمیل نەوتی ئەم جۆرەش  بە 79 دۆلار و 70 سەنت مامەڵەی پێوە دەکرێت.

شارەزایان هۆکاری بەرزبوونەوەی نرخی نەوت بۆ گرژى و ئاڵۆزییەکانى ئەمریکا و ئێران دەگەڕێننەوە و هەردوو وڵات لە 17ی حوزەیرانى ئەمساڵدا کاتێک یاداشتنامەی لێکتێگەیشتنیان بۆ کۆتاییهێنان بە جەنگ ئیمزا کرد نرخى نەوتیش بەهۆیەوە دابەزى، بەڵام لەماوەى ئەم چەند رۆژە جەنگ و گرژى و ئاڵۆزى نێوان هەردوو وڵات، وایکرد نرخى نەوت جارێکى دیکە روو لەبەرزبوونەوە بکات.

PUKMEDIA