فڕۆكەی ئێف 16 حەشارگەكانی تیرۆریستانیان لە كەركوك كردە ئامانج

INA

فڕۆكەی ئێف 16

ئەمڕۆ شەممە 4ى7ى2026 شانەی راگەیاندنی ئەمنی ئاشکراى کرد: فڕۆكە جەنگییەكانی ئێف 16 حەشارگەكانی تیرۆریستانیان لە قەزای دبسی كەركوك كردە ئامانج.

لە بەیاننامەیەكدا شانەی راگەیاندنی ئەمنی رایگەیاند: بە پشتبەستن بە پلاندانان و بەدواداچوونی ورد و بە هەماهەنگییەكی لەگەڵ شانەی ئامانجكردنی فەرماندەیی ئۆپەراسیۆنە هاوبەشەكان و لە ئەنجامی چاودێریكردنی هەواڵگری بەردەوام بۆ ماوەی پێنج رۆژ فڕۆكەوانە قارەمانەكانی هێزی ئاسمانیمان، بە بەدواداچوونیان و بەكارهێنانی فڕۆكەی ئێف 16ی عیراقی، هێرشی ئاسمانی سەركەوتوو و وردیان ئەنجامدا و حەشارگەكان و كۆشكی باندە تیرۆریستییەكان لە ناوچەی سنووری حكومەتی ناوەند و هەرێم بە تایبەتی لە قەزای دبس كردە ئامانج.

ئاماژەى بە ئەوەشدا: كە ئەم ئۆپەراسیۆنە خێرایە لەسەر بنەمای زانیاریی هەواڵگری دروست بووە، كە لەلایەن دەزگای هەواڵگری نیشتمانی عیراقەوە پشتڕاستكراوەتەوە، هەروەها بە هاوكاریی لەگەڵ دەزگای بەرەنگاربوونەوەی تیرۆر.

PUKMEDIA