ئەنجومەنی وەزیران دۆسیە هەڵپەسێردراوەکانی لەگەڵ بەغداد تاووتوێ دەکات

حکومەتی هەرێمی کوردستان

کۆبوونەوەی ئەنجومەنی وەزیران/ ئەرشیف

بڕیارە ئەمڕۆ چوارشەممە 10ی حوزەیرانی 2026، ئەنجومەنی وەزیرانی حکومەتی هەرێمی کوردستان، بە ئامادەبوونی سەرۆک وەزیران و قوباد تاڵەبانی جێگری سەرۆکوەزیران کۆببێتەوە و گفتووگۆ لەسەر چەند پرسێکی گرنگ بکات.

کۆبوونەوەکە تایبەتە بە گفتوگۆکردن لەسەر نەخشەڕێگەیەک بۆ بەردەوامیدان بە دانوستان لەسەر دۆسیە هەڵپەسێردراوەکانی نێوان حکومەتی هەرێم و کابینەی وەزاریی نوێی حکومەتی فیدڕاڵی و تێیدا تاووتوێی سێ خاڵ دەکرێت:

1- پێشنیاری هێنانەکایەی دەستەیەکی باڵای وەزاریی هەماهەنگیی هەمیشەیی، بە ئەندامێتیی وەزیر و بەرپرسانی پەیوەندیداری هەردوو حکومەت.

2- دوابەرهەم و ئەنجامەکانی پەیوەست بە دۆسیەی نەوت لەگەڵ حکومەتی فیدڕاڵی و دەرئەنجامی دواکۆبوونەوەی هەردوولا.

3- بابەتی داهاتە ناوخۆییەکان و ئەسیکۆدا لە هەرێمی کوردستان، خستنەڕووی خشتەی داهاتەکان و کاریگەرییەکانی دۆخی ناوچەکە و یەکلانەکردنەوەی دۆسیەی ئەسیکۆدا و کاریگەریی لەسەر کەمبوونەوەی داهاتی ناوخۆ.

PUKMEDIA