نرخى نەوت بۆ خوار 100 دۆلار دادەبەزێت

PUKMEDIA

پاڵاوگەى نەوت

لە یەکەم رۆژى کردنەوەى بازاڕەکانى نەوتدا نرخى نەوت دابەزینى بەخۆوە بینى و گەیشتە خوار 100دۆلار.

ئەمڕۆ دووشەممە 25ى5ى2026 کە یەکەمین رۆژى کردنەوەى بازاڕەکانى نەوتە لە هەفتەکەدا، نرخى نەوت دابەزینى بەخۆوە بینى، ئەمەش دواى ئەوەى جەنگى ئەمریکا و ئیسرائیل دژ بە ئێران لە کۆتایى مانگى شوباتدا روویدا، نرخى نەوت بەرزبوونەوەیەکى بەرچاوى بەخۆوە بینى و ماوەیەکى زۆرە بەگشتى نرخى نەوت لە سەروى 100 دۆلارەوە مامەڵەى پێوە دەکرێت.

لەگەڵ ئەوەى جەنگى ئەمریکا و ئیسرائیل دژ بە ئێران کۆتایى هات، بەڵام نرخى نەوت زۆرینەى کاتەکان هەر لە سەروى 100دۆلارەوە مامەڵەى پێوەدەکرێت، بەڵام لە ئێستادا ئەگەرچى ناکۆکى و ململانێکان بەردەوامى هەیە، هاوکات هەوڵى رێککەوتن و دانوستاندنەکان بەردەوامیان هەیە، نرخى نەوت بۆ خوار 100 دۆلار دابەزیوە.

ئەمڕۆ نرخى یەک بەرمیل نەوتى خاوى برێنت بە بڕى 98.10 دۆلار و یەک بەرمیل نەوتى تەکساس-یش بە بڕى 91.24 دۆلار مامەڵەى پێوە دەکرێت، هاوکات نرخى بەرمیلێک نەوتى خاوى برێنت بە رێژەى 5.23% دابەزینى بەخۆوە بینیوە و نرخى بەرمیلێک نەوتى تەکساسیش بە رێژەى 5.53% دابەزیووە.

PUKMEDIA