زیاتر لە 917 هەزار خوێندکار کۆتاییان بە تاقیکردنەوەکانی ئەمساڵ هێنا

وەزارەتی پەروەردە

پرۆسەی تاقیکردنەوەکان

ئەمڕۆ 20ی5ی2026پرۆسەی ئەنجامدانی تاقیکردنەوەی کۆتایی وەرزی دووەمی پۆلە ناکۆتاکان لە هەرێمی کوردستان لەبەشیک لەخوێندنگەکان کۆتایهات، کە زیاتر لە 917 هەزار خوێندکار بەشداری تاقیکردنەوەکانیان کرد.

بەپێی ئاماری وەزارەتی پەروەردە، بۆ ئەمساڵی خوێندن لەهەرێمی کوردستان 917 هەزار و 158 خوێندکار بەشداری تاقیکردنەوەی پۆلە ناکۆتاکانیان کردووە ، کەپێکهاتوون لە پۆلەکانی ( چوار و پێنج و شەش و حەوت و هەشت و دە و یانزە).

هاوکات پۆلەکانی (یەک و دوو سێ)ی سەرەتایی پێشترکۆتاییان بە پرۆسەی خوێندن هێناوەو دوا بەدوای تاقیکردنەوەی پۆلە ناکۆتاکان تاقیکردنەوەی نیشتمانی پۆلی 9 دەستپێدەکات و تاقیکردنەوەی پۆلی 12 ش لە مانگی شەشدا بەڕێوەدەچێت و سەرجەم ئامادەکارییەک کراوە، جگە لەوەی بەشێکی تر لە خوێندنگەکان بەپێی کاتی دەوامی خۆیان دەست بە پرۆسەی تاقیکردنەوەی کۆتایی دەکەن و تا ئێستا ئەنجامیان نەداوە.

ئەمەش لەکاتێکدایە، رۆژی 10ی5ی2026 لە بەشێک لە خوێندنگەکانی هەرێمی کوردستان تاقیکردنەوەی کۆتایی وەرزی دووەمی پۆلە ناکۆتاکان دەستیپێکرد. 

PUKMEDIA