سەرۆک بافڵ:حکومەتی داهاتوو دیدگاکەی هاوبەشیی راستەقینە و خزمەتکردنی هاووڵاتییان بێت

راگەیاندنی سەرۆکی یەکێتی

سەرۆک بافڵ پێشوازی لە جانێت ئەلبێردا، باڵیۆزی هۆڵەندا لە عیراق دەکات

بافڵ جەلال تاڵەبانی، سەرۆکی یەکێتیی نیشتمانیی کوردستان لە ماڵی مام لە بەغداد پێشوازی لە جانێت ئەلبێردا، باڵیۆزی هۆڵەندا لە عیراق کرد.

لە کۆبوونەوەکەدا کە دەرباز کۆسرەت رەسوڵ، ئەندامی مەکتەبی سیاسی ئامادەیبوو، جەخت لە گرنگیی بەردەوامیی هەماهەنگی و پەرەپێدانی پەیوەندییە دووقۆڵییەکان کرایەوە، بە مەبەستی خزمەتکردنی بەرژەوەندییە باڵاکان.

رۆڵی کورد لە حکومەتی نوێی عیراق و چەند تەوەرێکی دیکە لە کۆبوونەوەکەدا خرایەبەر باس و سەرۆک بافڵ وتی، بە پەرۆشەوە کاردەکەین تاوەکو حکومەتێک پێکبهێنین کە دیدگاکەی هاوبەشیی راستەقینە و خزمەتکردنی هاوڵاتییان بێت.

PUKMEDIA