کەشناسى: باران و خۆڵبارین بەردەوام دەبێت

میدیاکان

خۆڵبارین

بەڕێوەبەرایەتی گشتی کەشناسی و بومەلەرزەزانی هەرێمی کوردستان، پێشبینییەکانی کەشوهەوای بۆ 48 سەعاتی داهاتوو راگەیاند و بەپێی پیشبینییەکە خۆڵبارین بەردەوام دەبێت لەگەڵ بوونی هەورە بروسکە و گەواڵە بارانی ناوچەی جیا جیا.

کەشناسی هەرێم رایگەیاند: ئەمڕۆ سێ شەممە 5ی5ی2026، کەشی ناوچەکەمان بە گشتی سەنتەری پارێزگاکان و قەزاو ناحیە و ئیدارە سەربەخۆکان و ناوچە شاخاوییە سنووریەکان و بەرزەکان بۆ ئەمڕۆ بە گشتی نیمچە هەور دەبێت لەگەڵ بوونی بارستە هەوایەکی فێنک تێکەڵ بە تۆز و خۆڵ لە چینەکانی سەرەوە، بەهۆی بوونی ئەم بارستە تۆزوخۆڵە لە چینەکانی سەرەوەی ئاسمان کەمتر هەست بە ڕوونی کەش دەکرێت.

ئاماژەی بەوەشکردووە: خێرای با زیاد دەکات لە هەندێ کاتدا بە تایبەت لە سنووری پارێزگای سلێمانی و هەڵەبجە لەگەڵ ئەگەری باران بارین لە ناوچەی شاخاوی جیا جیا و لە کاتەکانی دوای نیوەڕۆ ئەگەری هەورە تریشقەش هەیە زیاتر بە شێوەی گەواڵە بارانی ناوچەی جیا جیا دەبێت.

 پەیوەست بە کەشی سبەینێ چوار شەممە 6ی5ی2026، کەشناسی رایگەیاندووە: ئاسمان بە گشتی نیمچە هەورە و پلەکانی گەرما نزم دەبێتەوە لەگەڵ بەرزبوونەوەی تۆزوخۆڵ لە سەر بەشێک لە ناوچەی جیا جیا بە تایبەت ناوچەکانی باشووری هەرێم و ئیدارەی گەرمیان و پارێزگای کەرکووک .

بەرزترین پلەکانی گەرمای پێشبینیکراو بە پلەی سیلیزی بۆ سبەینێ:
هەولێر: 24 پلەی سیلیزی
پیرمام: 22 پلەی سیلیزی
سۆران: 23 پلەی سیلیزی
حاجی ئۆمەران: 13 پلەی سیلیزی
سلێمانی: 24 پلەی سیلیزی
چەمچەماڵ: 25 پلەی سیلیزی
دهۆک: 24 پلەی سیلیزی
زاخۆ: 24 پلەی سیلیزی
هەڵەبجە: 25 پلەی سیلیزی
گەرمیان: 27 پلەی سیلیزی

PUKMEDIA