نرخی نەوت دابەزی

میدیاکان

نرخی نەوت

ئەمڕۆ 21ی4ی2026، لەگەڵ کردنەوەی بازاڕ، نرخی هەردوو جۆرەکەی نەوت دابەزی، بەشێوەیەک یەک بەرمیل نەوتی برێنت بە 94 دۆلار و 69 سەنت مامەڵەی پێوە دەکرێت.

بەپێی ماڵپەڕی OIL PRICE، ئەمڕۆ سەعات 9:17 دەقیقە بەکاتی هەرێمی کوردستان، نرخی یەک بەرمیل نەوتی برێنت بە 94 دۆلار و 69 سەنت مامەڵەی پێوە دەکرێت، بەمەش 79 سەنت بەراورد بە نرخی دوێنێ دابەزینی بەخۆیەوە بینیوە.

هاوکات، یەک بەرمیل نەوتی تەکساس بە 86 دۆلار و 35 سەنت مامەڵەی پێوەکرا، بەمەش بەرێژەی %1.22 نرخی خۆی لەدەستدا و یەک دۆلار و 7 سەنت دابەزی.

هەرچەندە دانوستانەکانی نێوان ئەمریکا و ئێران نەگەیشتووەتە ئەنجام،هەروەها ئەمریکاش گەمارۆی خستووەتە سەر گەروی هورمز و ئێرانیش گەروەکەی داخستووە، چاوەڕوان دەکرا، نرخی نەوت بەرزببێتەوە، بەڵام لێدوانەکانی دۆناڵد ترەمپ سەرۆکی ئەمریکا کە باس لە رێککەوتن دەکات و ئاشتی لە جەنگ بە باشتر دەزانێت، پێدەچێت هۆکاری سەرەکی دابەزینی نرخی نەوت بێت.

PUKMEDIA