د. بڕیار رەشید: بڕیارێكمان لەبەرژەوەندی جوتیاران پەسند كرد

PUKMEDIA

د. بڕیار رەشید، ئەندامی فراكسیۆنی یەكێتی لەئەنجومەنی نوێنەرانی عیراق

د. بڕیار رەشید رایدەگەیەنێت: بەكۆی دەنگی ئەندامانی ئەنجومەنی نوێنەران بڕیارێكمان لەبەرژەوەندی جوتیاران پەسند كردو بەپێی بڕیارەكەش شایستە داراییەكانی جوتیاران خەرج دەكرێت و نرخی گەنمیش دیاریی دەكرێت.

د. بڕیار رەشید، ئەندامی فراكسیۆنی یەكێتی لەئەنجومەنی نوێنەرانی عیراق، بەوێبسایتی رەسمی یەكێتیی نیشتمانیی كوردستان PUKMEDIA ی راگەیاند: لەكۆبوونەوەی ئەمڕۆ 20ی 4ی 2026ی ئەنجومەنی نوێنەراندا، بەكۆی دەنگی ئەندامانی ئەنجومەنەكە بڕیارێكمان لەبەرژەوەندی جوتیاران پەسند كرد، كەئامانج لێی پاراستنی مافەكانی جوتیاران و دابینكردنی پاڵپشتی زیاترە بۆیان، تابەردەوامبن لەخزمەتكردن و گەشەپێدانی  زياتری كەرتی كشتوكاڵ.

راشیگەیاند: بڕیارەكە لەچوار بڕگەی سەرەكی پێكدێت كەبریتین لە:

1- راگرتنی وەرگرتنەوەی قەرزی جوتیاران تاپەسندكردنی بودجە.

2- دیاریكردنی نرخی گەنم هاوشێوەی ساڵی رابردوو.

3- هەڵوەشاندنەوەی سیستەمی "حجب"ی پێشوەختە پێش رادەستكردنی گەنم.

4- خەرجكردنی شایستە داراییەكانی جوتیاران.

PUKMEDIA