له‌م ناوچانه‌ به‌راورد به‌ساڵی رابردوو 1000 ملم زیاتر باران باریوه

میدیاکان

بارانی بەلێزمە

ئەمساڵ لە زۆرینەی ناوچەکانی هەرێمی کوردستان، بەراورد بە ساڵی رابردوو بارانێکی زۆر باریوە، بەشێوەیەک 11 ناوچەی سلێمانی زیاتر لە هەزار ملیم بەراورد بە ساڵی رابردوو باران باریوە.

بەپێی ئامارێکی فەرمانگەی کەشناسی کشتوکاڵی سلێمانی، تاوەکو رۆژی 19ی4ی2026،  قەرەداغ زۆرترین بارانی لێباریوە و پلەی یەکەمی وەرگرتووە، بەشێوەیەک ئەمساڵ تا ئەمڕۆ 1221.6 ملیم زیاتر بارانی لێباریوە، لەكاتێكدا ساڵی رابردوو تەنها578 ملیم باران باریبوو، بەڵام ئەمساڵ1799.6 ملیم باران باریوە.

 هاوکات، پێنجوین لەسەر ئاستی سلێمانی لە پلەی دووەم دێت و بەراورد بە ساڵی رابردوو 1179.5 ملیم باران باریوە.

پەیوەست بە ناوچەکانی دیکەش، ئەوا چوارتا 1153 ملیم، خەلەکان1085 ملیم ، بەرزنجە 1075.9 ملیم ، قەڵادزێ 1042.5 ملیم ، حاجی ئاوا 1021.8ملیم ، سەرکەپکان 1015.8ملیم، گردجان 1010 ملیم، سەنگەسەر 1007.5ملیم، سەروچاوە 1003.7ملیم، زیاتر لە ساڵی رابردوو بارانیان لێباریوە.

هاوکات لە سەنتەری پارێزگای سلێمانیش 707.3 ملیم زیاتر باران باریوە، بەشێوەیەک ئەمساڵ بڕی 1038ملیم باران باریوە، بەڵام ساڵی رابردوو تا ئەمڕۆ تەنها 331.1 ملیم باران باریبوو.

هەر بەپێی ئاماری فەرمانگەی کەشناسی کشتوکاڵی سلێمانی، ئەو ناوچانەی جیاوازی بڕی جیاوازی بارانبارینیان کەمترە، ئەوە لە کفری 271.6 ملیم و کەلار 285 ملیم لە ساڵی رابردوو زیاتر بارانیان لێباریوە.

PUKMEDIA