وەزارەتى تەندروستى: بۆ رووداوەکەى غەزەل رێکاری یاسایی تووند دەگرینەبەر

PUKMEDIA

لۆگۆى وەزارەتى تەندروستى حکومەتى هەرێمى کوردستان

وەزارەتى تەندروستیى هەرێمى کوردستان راگەیەندراوێکى لەبارەى شەهیدبوونی غەزەل مەولان، بڵاوکردەوە و رایگەیاند: لیژنەى لێکۆڵینەوە پێکهێنراوە و لێپێچنەوە لە سەرپێچیکاران دەکرێت.

لە راگەیەندراوێکى وەزارەتى تەندروستیى هەرێمى کوردستاندا هاتووە، لەبارەی رەوانەکردنی بریندار (غەزەل مەولان) لە نەخۆشخانەی (شۆڕش)ی دەزگای تەندروستیی پێشمەرگەوە بۆ نەخۆشخانەی (بەخشین)ی کەرتی تایبەت و ئەنجام نەدانی رێککاری پزیشکی و وەرنەگرتنی لە نەخۆشخانە و دواتر گیان لەدەستدانی، بڕیاریانداوە لێکۆڵینەوە بکەن.

ئاماژەى بە ئەوەشداوە: پاڵپشت بە یاسای مافی نەخۆش ژمارە 4ی ساڵی 2020 و پەیڕەوی لێکۆڵینەوە ژمارە 16ی ساڵی 2022، لەگەڵ تەندروستیی سلێمانی و داواکاری گشتی لە پەیوەندیدا بوون و راسپێردراون بۆ لێکۆڵینەوە و بەسزا گەیاندنی سەرپێچیکاران.

ئەوەش خراوەتەڕوو: بەدڵنیاییەوە ئەو رووداوە جێگای قبوڵکردن نییە و رێکاری پێویست دەگرنەبەر و جەختدەکاتەوە، دامودەزگاکانی تەندروستی هەمیشە پێویستە بە ئەرکی مرۆڤانەی پاراستنی گیانی هەرکەسێک هەڵبستن و نابێت بکەونە ژێر هیچ گوشار و نیازێکی سیاسی.

PUKMEDIA