ئێران كردنەوەی گەروی هورمزی راگەیاندو ترەمپ-یش سوپاسی دەكات

PUKMEDIA

گەروی هورمز

وەزیری دەرەوەی ئێران كردنەوەی گەروی هورمزی بەتەواوی بەڕووی كەشتییە بازرگانییەكاندا راگەیاندو دۆناڵد ترەمپ، سەرۆكی ئەمریكاش سوپاسی ئێران دەكات.

بەپێی ڕاپۆرتێكی ئاژانسی ڕۆیتەرز، عەباس عیراقچی وەزیری دەرەوەی ئێران، ئەمڕۆ هەینی 17ی 4ی 2026،  رایگەیاند: گەروی هورمز بەتەواوی بەڕووی كەشتییە بازرگانییەكاندا كراوەیە بەدرێژایی ماوەی ئاگربەست.

عیراقچی راشیگەیاندووە: تێپەڕین بە گەرووی هورمزدا بە هەماهەنگی لەگەڵ ئێران دەبێت و تا كۆتایی ئاگربەستی نێوان لوبنان و ئیسراشیل بەردەوام دەبێت.

هاوكات دۆناڵد ترەمپ، سەرۆكی ئەمریكا، لەپۆستێكیدا لەتروس سۆشیاڵ پێشوازی لەكردنەوەی گەروی هورمز كردو  سوپاسی ئێرانی كرد، راشیگەیاند: ئێران هەر ئێستا رایگەیاند كە گەرووی هورمز بەتەواوی كراوەیەو بۆ تێپەڕبوونی سەرجەم كەشتییەكان ئامادەیە، سوپاس.

ئەمەش لەكاتێكدایە، ئەمڕۆ ئاگربەستی 10 رۆژی لەنێوان ئیسرائیل و لوبنان چووە بواری جێبەجێكردنەوەو بنیامین ناتانیاهۆش رایگەیاند: ئەمە دەرفەتێكە بۆ رێككەوتن و ئاشتی، بەڵام چەككردنی حیزبوڵڵا مەرجی بنەڕەتیمانە بۆ هەر ئاشتیی هەمیشەیی.

PUKMEDIA 

هاتوچۆی کەشتییەکان لە گەرووی هوورمز دوای کردنەوەی لەلایەن ئێرانەوە: