ڕفعەت عەبدوڵا: هیوادارین سەقامگیری و ئارامی خەمی هەمووان بێت

نوسینگەى راگەیاندنى ڕفعەت عەبدوڵا

ڕفعەت عەبدوڵا جێگری سەرۆكی یەكێتیی نیشتمانیی كوردستان ​

لە یادى 23 ساڵەى ڕوخانی حوكمی دیكتاتۆریی سەدام و کۆتایى هاتنى 35 ساڵ دەسەڵاتی رژێمی  بەعسدا، ڕفعەت عەبدوڵا جێگری سەرۆکی یەکێتیی نیشتمانیی کوردستان لە پەیامێکیدا رایگەیاند: هیوادارین تێکڕای لایەنە عێراقييه‌كان به‌ گيانێكى ‌بەرزی بەرپرسیارانە و نیشتمانیانە کاربکەن، کە ژیان و شکۆ و ئایندەی نەوەکانی ئەم وڵاتە پارێزراو و سەقامگیری و ئارامی وڵات خەمی هەمووان بێت.

دەقى پەیامەکە:

٢٠٢٦/٤/٩، یادی ڕووخانی یەکێک لە دیکتاتۆرەکانی مێژووە کەهێزەکانی هاوپەیمانان بەهاوکاری ڕاستەوخۆی هێزی پێشمەرگەی کوردستان، گەلانی عیراقیان لەدەستی دیکتاتۆریەت و خۆسەپێنی و حوکمی تاکڕەوی و زەبروزەنگی بەعسی رەفتار فاشی ڕزگارکرد.

دوای ٢٣ ساڵ، گەلی عیراق بەکورد و عەرەبەوە دەستکەوتی زۆریان بەدەستهێناوە و مەترسی سەرکوتکردن و جینۆساید و چەکی کیمیایی و چەوسانەوە نەماوە و دەرفەت و توانای گەورە لەبەردەستدایە بۆ ئەوەی عیراق ببێتە نيشتمانێكى باشتر بۆ سەرجەم ڕۆڵەکانی و ئیرادەی بەهێز هەیە عیراقی فیدراڵی دیموکراسیترو، دەستوری گەل پەسەند زامنی پاراستنی هەمووان بێت.

هیوادارین تێکڕای لایەنە عێراقييه‌كان به‌گيانێكى ‌بەرزی بەرپرسیارانەو نیشتمانیانە کاربکەن کە ژیان و شکۆ و ئایندەی نەوەکانی ئەم وڵاتە پارێزراو و سەقامگیری و ئارامی وڵات خەمی هەمووان بێت.

ڕفعەت عەبدوڵا
جێگری سەرۆکی یەکێتیی نیشتمانیی کوردستان

PUKMEDIA