لە ئێستادا تەنها پرۆسەی خوێندنی ئەلیکترۆنی و ئۆنلاین ئەنجام دەدرێت

PUKMEDIA

پرۆسەی خوێندن

وەزارەتى پەروەردەى حکومەتى هەرێمى کوردستان نوسراوێک ئاڕاستەى بەڕێوەبەرایەتی گشتی پەروەردەکانى هەرێم دەکات و رایدەگەیەنێت: لەم قۆناغەدا تەنها پرۆسەی خوێندنی ئەلیکترۆنی و ئۆنلاین ئەنجام دەدرێت.

لە راگەیەندراوێکى وەزارەتى پەروەردەى حکومەتى هەرێمى کوردستاندا هاتووە: بۆ بەڕێوەبەرایەتی گشتی پەروەردەی
" هەولێر، سلێمانی، دهۆک، هەڵەبجە، گەرمیان، راپەڕین، سۆران، زاخۆ" دوای راگەیاندنی پرۆسەی خوێندنی ئەلیکترۆنی و ئۆنلاین، سەرجەم قوتابخانە حکومی و ناحکومییەکانی سیستەمی وەزارەتی پەروەردە و نێودەوڵەتییەکان ئاگادار دەکەینەوە کە:

1.هەموو هەڵسەنگاندن و تاقیکردنەوەیەکی ناو قوتابخانەکان رادەگیرێت و بە هیچ شێوەیەک خوێندکار نایەتەوە ناو خوێندنگا، لەم قۆناغەدا تەنها پرۆسەی خوێندنی ئەلیکترۆنی و ئۆنلاین ئەنجام دەدرێت.

2. هەر خوێندنگایەک کە تاقیکردنەوەیەکی نێودەوڵەتی هەبێت و وابەستە بێت بە کات و رێککەوتی دەرەوەی وڵات و پابەند بوونی لەسەر بێت، پێویستە پێشوەختە بە نووسراوی رەسمی وەزارەت ئاگادار بکاتەوە، بۆ ئەوەی ئاسانکاری و رێگەپێدانی بۆ ئەنجام بدرێت.

PUKMEDIA