وەزارەتی ناوخۆ: تەنها لەسەرچاوە رەسمییەکان هەواڵەکان وەربگرن

ئاژانسەکان

وەزارەتی ناوخۆ

وەزارەتی ناوخۆ داوا لە هاووڵاتیان دەکات باوەڕ بە هەواڵی نادرووست نەکەن لەبارەی دۆخی ئەمنی هەرێم و عیراق و تەنها لەسەرچاوەی رەسمییەکانی حکومەت هەواڵ وەرگرن، بەکەناڵەکانی راگەیاندنیش دەڵێت: بەوریایی مامەلە لەگەڵ هەواڵەکان بکەن.

روونکردنەوەیەک لە وەزارەتی ناوخۆوە..

بە هۆی ئەو بارودۆخەی لە ناوچەکە و عیراق هەیە،  هەندێک سەرچاوە زانیاری نادروست دەربارەی باری ئەمنی هەرێمی کوردستان بۆ ئاڵۆزکردنی زیاتری دۆخەکە و بڵاوکردنەوەی ترس و تۆقاندن لەناو هاووڵاتیان بڵاو دەکەنەوە.

ئاگاداری هاووڵاتیان دەکەین کە تەنها لە سەرچاوە رەسمییەکانی حکومەتی هەرێمی کوردستانەوە زانیاری لەمبارەیەوە وەربگرن و نەکەونە ژێر کاریگەری پڕوپاگەندەی نەیارانەوە.

هەروەها داوا لە کەناڵەکانی راگەیاندن دەکەین بە وریایی مامەڵە لەگەڵ هەر هەواڵ و زانیارییەک بکەن کە پەیوەندی بە ئاسایشی هاووڵاتیان هەبێت و بێ وردبینی لەگەڵ لایەنی پەیوەندیدار زانیاری نا دروست بڵاو نەکەنەوە.

PUKMEDIA