بڕیارێک بۆ خوێندکارانی هەرێم کە لە ئێران دەخوێنن دەرکرا

PUKMEDIA

وەزارەتى خوێندنى باڵا و توێژینەوەى زانستى

وەزیرى خوێندنى باڵا و توێژینەوەی زانستی هەرێمی کوردستان، بڕیاریدا ماوەی مانەوەی ئەو خوێندکارانەی هەرێم کە لە زانکۆکانی ئێران دەخوێنن، تا رۆژی 15ی4ی2026 درێژ بکاتەوە.

بەهۆی بەردەوامی شەڕ و ئاڵۆزییەکانی ناوچەکە و بۆ پاراستنی گیانی ئەو خوێندکارانەی هەرێمی کوردستان کە لە زانکۆکانی ئێران دەخوێنن، د. ئارام محەمەد قادر وەزیرى خوێندنی باڵا و توێژینەوەی زانستی بڕیاریدا بە  درێژکردنەوەی ماوەی مانەوەیان لە هەرێمی کوردستان لە 28ی3ی2026، تاوەکو 15ی4ی2026.

هەر بەپێی بڕیارەکە، ئەو ماوەیان بە ماوەی مانەوە بۆ ئەژمار دەکرێت و دواتر کێشەى یەکسانکردنى بڕوانامەیان نابێت.

وەزارەتی خوێندنی باڵا، لە دوای ئەم بەروارە، جارێکى دیکە هەڵسەنگاندن بۆ دۆخەکە دەکات و بڕیار و ڕێنمایی گونجاو دەردەکات.

PUKMEDIA