كوردێك دەبێتە ئەندامی پەرلەمانی دانیمارك

Herlev Bladet

ئیبراهیم بنلی

ئیبراهیم بنلی، كە كوردێكی باكوری كوردستانە، لە تازەترین هەڵبژاردنی پەرلەمانی دانیمارك-دا لەسەر لیستی پارتی هاوپەیمانی سوور و سەوز بە ئەندامی پەرلەمان هەڵبژێردراو بوو بە یەكەمین كەس لەمێژووی ئەو وڵاتە، كە لە دایك و باوكێكی كۆچەری بگات بەو بەرپرسیارتییە باڵایە.

بنلی تەمەنی 47 ساڵە و خەڵكی گوندی بۆمسوزەو لە خانەوادەیەكی كورد لەدایكبووەو لەساڵی 2000 ەوە كۆچی كردووە بۆ وڵاتی دانیمارك و لەساڵی 2017ەوە، ئەندامی ئەنجومەنی شارەوانی ناوچەی هێرلیڤ (Herlev) بووە لەسەر هەمان پارت و ئەمڕۆش توانی سەركەوتن بەدەستبهێنێت و بچێتە ناو پەرلەمانەوە.

بە هەڵبژاردنی بنلی و كاندیدێكی دیكە، ئیبراهیم بنلی دەبێتە یەكەم ئەندامی پەرلەمان لەمێژووی پارتی (Enhedslisten) كە لە دایك و باوكێكی كۆچبەرو پێكهاتەیەكی نەتەوەیی جیاواز بێت، ئەمەش وەك هەنگاوێكی مێژوویی و بێپێشینە لەناو ئەو پارتە دادەنرێت.

PUKMEDIA