جەنگەكە دەچێتە قۆناغێكی نوێوە

energypolicy

ئاڵای ئەمریكا، ئیسرائیل، ئێران

ئەمریكاو ئێران هەڕەشەی كردنە ئامانجی سەرچاوەی وزە لەیەكتری دەكەن، بەوەش هاوكێشەی جەنگەكەی نێوانیان دەچێتە قۆناغێكی نوێی هەمەلایەنەوە.

بەرەبەیانی ئەمڕۆ 22ی 3ی 2026، دۆناڵد ترەمپ، سەرۆكی ئەمریكا لەپۆستێكی تۆڕی كۆمەڵایەتیی ترووس سۆشیاڵ رایگەیاند: ئەگەر ئێران بەتەواوی و بێ هەڕەشە، لەئێستاوە تاوەكو 48 سەعاتی دیكە دورگەی هورمز نەكاتەوە، ئەوا ئەمریكا هێرش دەكاتە سەر وێستگە جیاجیاكانی كارەبای ئێران و دەیانسڕێتەوە.

لە بەرامبەردا ئیبراهیم زولفەقاری، وتەبێژی قەرارگەی ناوەندیی خاتەمولئەنبیا، وەڵامی هۆشدارییەكی سەرۆكی ئەمریكای دایەوەو رایگەیاند: ئەگەر ژێرخانی سووتەمەنی و وزەی ئێران لەلایەن دوژمنەوە دەستدرێژیی بكرێتە سەر، ئەوا سەرجەم ژێرخانەكانی وزە، تەكنەلۆژیای زانیاری (IT) و وێستگەكانی شیرینكردنی ئاوی سەر بە ئەمریكا و ئیسرائیل لە ناوچەكەدا، دەكرێنە ئامانج.

ئەمەش لەكاتێكدایە، رۆژی شەممە 28ی 2ی 2026، هێرشی هاوبەشی ئیسرائیل-ئەمریكا بۆسەر ئێران دەستیپێكردو ئێرانیش وەڵامی هێرشەكان دەداتەوەو تاوەكو ئێستا جەنگ بەردەوامە.

PUKMEDIA