کەشناسی: ئەمڕۆ و سبەینێ باران دەبارێت

میدیاکان

بارانی بەلێزمە

كه‌شناسی و بومه‌له‌رزه‌زانی هەرێمی کوردستان، رایدەگەیەنێت: هەرێم لەئەمرۆوە دەکەوێتە ژێر کاریگەری هەردوو نزمە پەستانی یەکگرتووی دەریای سوور و سپی ناوەراست و باران دەبارێت و پلەکانی گەرماش بەشێوەیەکی بەرچاو دادەبەزێت.

کەشناسی هەرێم رایگەیاندووە: ئەمڕۆ پێنج شەممە 19ی3ی2026، ئاسمانی هەرێم لەئەمرۆوە دەکەوێتە ژێر کاریگەری هەردوو نزمە پەستانی یەکگرتووی دەریای سوور و سپی ناوەراست و  بۆ کاتەکانی ئێوارە دابارین بەشێوەی نمە باران لەناوچەکانی سنووری رۆژئاوا وە باشووری هەرێم دەست پێدەکات پاشان کاریگەری درێژ دەبێتەوە بۆ تەواوی ناوچەکانی هەرێم، لەکاتەکانی شەو دابارین زیاد دەبێت بۆ شێوەی بارانی بەردەوام بەدرێژایی کاتەکاندا بۆیە پێشبینی برێکی زۆر لەدابارین دەکرێت .

ئاماژەی بەوەشکردووە: پلەکانی گەرما  کەمێک نزم دەبێتەوە بە ( 1- 3 ) بەراوورد بە تۆمارکراوی رۆژانی رابردوو.

بەرزترین پلەکانی گەرمای پێشبینیکراو بۆ ئەمرۆ:
هەولێر 19 پلەی سیلیزی
پیرمام 17 پلەی سیلیزی
سۆران 17 پلەی سیلیزی
حاجی ئۆمەران 7 پلەی سیلیزی
سلێمانی 17 پلەی سیلیزی
چەمچەماڵ 18پلەی سیلیزی
دهۆک 18 پلەی سیلیزی
زاخۆ 19 پلەی سیلیزی
هەڵەبجە : 18 پلەی سیلیزی
گەرمیان : 20 پلەی سیلیزی

پەیوەست بە پێشبینیەکان بۆ سبەینێ 20ی3ی2026،کەشناسی رایگەیاندووە: بەهۆی بەردەوامی کاریگەری نزمە پەستانی ئاماژە پێکراو, ئاسمانی هەرێم هەوری باراناوی دەبێت وە نمە باران لەزۆربەی ناوچەکان بەردەوامی دەبێت وە لەناوچە سنووریەکانی باکووری خۆرهەڵات ئەگەری کەمێک بەفر بارین هەیە, بۆ کاتەکانی نیوەرۆ وە دوایی نیوەرۆ دابارین بۆ تاوە باران دەگۆرێت لەگەڵ هەورە بروسکە .

ئاماژە بەوەشدەکات پلەکانی گەرما بە (5 – 6) پلە بەراورد بە ئەمڕۆ نزم دەبنەوە.

PUKMEDIA