مەسعود پزیشکیان: هێرش کردنە سەر وڵاتانی دراوسێ رادەگرین

ئاژانسەکان

مەسعود پزیشکیان، سەرۆک کۆماری ئێران

مەسعود پزیشکیان، سەرۆک کۆماری ئێران رایدەگەیەنێت: هێرش کردنە سەر وڵاتانی دراوسێ رادەگرن، ئەگەر هێرشیان نەکرێتە سەر، دووپاتیشی دەکاتەوە  دەیانەوێت کێشەکان لە رێگەی دیپلۆماسییەوە چارەسەر بکەن.

مەسعود پزیشکیان، لە پەیامێکی ڤیدیۆییدا جەختی لەسەر گۆڕینی ستراتیژی وڵاتەکەی بەرامبەر وڵاتانی دراوسێ کردەوە و رایگەیاند : پێویستە لەگەڵ وڵاتانی ناوچەکەدا کار بۆ چەسپاندنی ئاشتی و ئارامی بکرێت.

سەرۆک کۆماری ئێران راشیگەیاند: خەونی رادەست بوونی ئێمە نایەتەدی.

 پەیوەست بە بەردەوامی هێرشکردنە سەر وڵاتانی ناوچەکە، مەسعود پزیشکیان ئاشکرای کرد: لە کۆبوونەوەی "ئەنجومەنی کاتیی رێبەری"، بڕیارێکی نوێ دراوە ، کە لەمەودوا هێزە چەکدارەکانی ئێران، نابێت هیچ هێرشێک یان موشەکبارانێک دژی وڵاتانی دراوسێ ئەنجام بدەن، مەگەر لە حاڵەتی بەرگری لە خود و لە کاتی هێرشکردنە سەر ئێراندا بێت.

سەرۆک کۆماری ئێران دووپاتی کردەوە، کە ئارەزوو دەکەن کێشەکان لە رێگەی دیپلۆماسییەوە چارەسەر بکەن و کۆتایی بە گرژی و ململانێکان لەگەڵ وڵاتانی دەوروبەریان بهێنن.

PUKMEDIA