بەرهەمهێنانی نەوت لە عیراق و هەرێم راگیراوە

PUKMEDIA

بۆری نەوتی عیراق-تورکیا

بەهۆی گرژییەکانی ناوچەکە و داخستنی گەرووی هورمز، کەرتی نەوتی عیراق و هەرێمی کوردستان تووشی پەککەوتن بووە و هەناردەکردن و بەرهەمهێنانی نەوت راگیراون.

لە عیراق کۆمپانیای نەوتی بەسرە دوای ئەوەی بەرهەمهێنانی لە کێڵگەی رومەیلە بەتەواوی راگرت هۆکارەکەی بۆ نەبوونی کەشتیی گواستنەوە و پڕبوونی کۆگاکان دەگەڕێتەوە، دوای ئەوەی بەهۆی مەترسییەکانەوە کەشتییەکان نایەنە ناو کەنداو.

لە هەرێمی کوردستانیش هەناردەکردنی نەوت بۆ بەندەری جەیهان راگیراوە و کۆمپانیاکانی وەک (شاماران، گۆڵف کیستۆن، دانا غاز) بەرهەمهێنانیان لە کێڵگەکانی ئەتروش، سەرسەنگ، شێخان و کۆرمۆر وەک رێکارێکی خۆپارێزی راگرتووە.

ئەمانەش هۆکارن بۆ ئەوەی نرخی نەوتی برێنت بە ڕێژەیەکی بەرچاو بەرزببێتەوەو و گەیشتوەتە 85 دۆلار و 6 سەنت، کە بەرزترین ئاستە لە دوای تەمموزی 2024ەوە، هەروەها راگرتنی غازی کۆرمۆر کاریگەریی گەورەی کردووەتە سەر کەمبوونەوەی کارەبا لە هەرێمی کوردستان.

PUKMEDIA