لاریجانی: قۆناغی راگوزەر لە ئێران دەستپێدەکات

ئاژانسەکان

عەلی لاریجانی، ئەمینداری ئەنجومەنی باڵای ئاسایشی نەتەوەیی ئێران

ئەمینداری ئەنجومەنی باڵای ئاسایشی ئێران رایگەیاند: پاش کوژرانی رابەری باڵای کۆماری ئیسلامی ئێران قۆناغی راگوزەر دەستپێدەکات و ئەنجومەنێکی کاتی پێکدەهێنرێت، هاوکات وەڵامی ئێران بۆ هێرشەکان زۆر توندتر دەبێت.

عەلی لاریجانی، ئەمینداری ئەنجومەنی باڵای ئاسایشی نەتەوەیی ئێران، رایگەیاند: دوای کوژرانی عەلی خامنەیی رابەری باڵای کۆماری ئیسلامی ئێران لە هێرشە ئاسمانییەکانی ئەمریکا و ئیسرائیل، لە ئەمڕۆوە قۆناغی راگوزەر دەستپێدەکات و ئەنجومەنێک بۆ بەڕێوەبردنی وڵات پێکدەهێنرێت.

وتیشی: وەڵامی ئێران بۆ هێرشەکان توند و بەسوێتر دەبێت و بنکە سەربازییەکانی ئەمریکا لە ناوچەکە دەکرێنە ئامانج.

لاریجانی ئەوەشی راگەیاند: ئێران مەبەستی هێرشکردنە سەر وڵاتانی دراوسێی نییە و تەنها بەرگری لە سەروەری خۆی دەکات.

شەوی رابردوو، میدیای رەسمی ئێران کوژرانی عەلی خامنەیی رابەری باڵای کۆماری ئیسلامی ئێرانی راگەیاند و دواتر ئێران کوژرانی عەلی شەمخانی، راوێژکاری ئەمنی عەلی خامنەیی راگەیاند، هاوکات کوژرانی محەممەد باسری بەرپرسی باڵای وەزارەتی ئیتڵاعاتی ئێران راگەیەندرا.

ئەمڕۆش تەلەفزیۆنی رەسمی ئێران کوژرانی چەند فەرماندەیەکی تری راگەیاند:

عەبدولڕەحیم موسەوی - سەرۆکی ئەرکانی گشتیی هێزە چەکدارەکان
محەمەد پاکپور - فەرماندەی گشتیی سوپای پاسداران
عەلی شەمخانی - سکرتێری ئەنجومەنی بەرگری
عەزیز نەسیرزادە - وەزیری بەرگری

PUKMEDIA