بەفر و باران دەبارێت و پلەی گەرما نزم دەبێتەوە

PUKMEDIA

سیخە سەهۆڵ

بەڕێوەبەرایەتی كەشناسی و بومەلەرزەزانی هەرێم، كەشی پێشبینیكراوی 48 سەعاتی داهاتووی بڵاوكردەوەو بەپێی پێشبینییەكان، ئەمڕۆ  سبەینێ باران دەبارێت و لە ناوچە شاخاوییەکانیش بەفر دەبارێت و پلەکانی گەرماش دادەبەزن.

کەشناسی هەرێم رایگەیاندووە: ئەمڕۆ هەینی 27ی2ی2026،ئاسمان نیمچە هەور بۆ هەوری تەواو دەبێت ، لە سنووری پارێزگای هەولێر و کەرکوک نمە باران و بارانی مامناوەند بە پچڕپچڕی دەبارێت، بەڵام لە ناوچەکانی تری هەرێم (پارێزگای دهۆک و سلێمانی و هەڵەبجە و ئیدارە سەربەخۆکانی زاخۆ و سۆران و ڕاپەڕین و گەرمیان ) ڕێژەی دابارین زیاتر  دەبێت، بارانی مامناوەند لە زۆربەی ئەو ناوچانە تا کاتەکانی شەو بەردەوامی دەبێت، هەروەها پێشبینی دەکرێت هەندێک کات باران بارین بە شێوەی لێزمە باران و هەورە تریشقە بێت، هەروەها لە ناوچە شاخاوییەکان بەفر بارین دەبێت.

 پەیوەست بە پلەکانی گەرماش، کەشناسی ئاماژەی بەوەکردووە: پلەکانی گەرما بە نزیکی 2 تـــــا 4 پلە نزم دەبێتەوە وە لە ناوچە شاخاوییەکان ( 5 - 7 ) پلە نزمتر دەبێت لە تۆمارکراوەکانی دوێنێ .

بەرزترین پلەکانی گەرمای پێشبینیکراو بۆ ئەمڕۆ:
هەولێر 14 پلەی سیلیزی
پیرمام 6 پلەی سیلیزی
سۆران 10 پلەی سیلیزی
حاجی ئۆمەران 2 پلەی سیلیزی
سلێمانی 13  پلەی سیلیزی
چەمچەماڵ 13 پلەی سیلیزی
دهۆک 8 پلەی سیلیزی
زاخۆ 8 پلەی سیلیزی
هەڵەبجە : 15 پلەی سیلیزی
گەرمیان  : 19 پلەی سیلیزی

دەربارەی پێشبینیەکانی بۆ سبەینێ شەممە  28ی2ی2026، کەشناسی هەرێمی کوردستان، پێشبینی دەکات، ئاسمان لە نێوان نیمچە هەور و هەوری تەواو دەبێت، نمە باران و بارانی مامناوەند بە پچڕپچڕی لە سنوری پارێزگای دهۆک و ئیدارەی سۆران دەبارێت هەروەها ئەگەری بارینی بەفرێکی کەم لە ناوچە شاخاویەکانی باکوور هەیە.

PUKMEDIA