داهاتی هەفتەی رابردووی سلێمانی زیاتر لە 19 ملیار دینارە

PUKMEDIA

شەفافیەت

داهاتی یەك هەفتەی سلێمانی، لە رۆژی 21ی2ی2026 تا 27ی2ی2026، بڕی 19 ملیار و70 ملیۆن و 833 هەزار و 246 دینار بووە و داهاتی مانگانەش زیاتر لە 60 ملیار دینار بووە.

سایتی شەفافیەت بۆ چاودێری و رێكخستنی داهاتە نانەوتییەكانی سلێمانی و هەڵەبجە و هەردوو ئیدارەی راپەڕین و گەرمیان، داهاتی یەك هەفتەی راگەیاندووە، بە شێوەیەك بڕی 19 ملیار و 70 ملیۆن و 833 هەزار و 246 دینار بووە و 95%ی داهاتەكە بەشێوەی نەختینەیە و 5%ی داهاتەكە بەشێوەی چەكە.

هاوکات، داهاتی مانگانە، لە رۆژی 26ی1ی2026 تا 26ی2ی2026، بڕەکەی بریتی بووە لە 60 ملیار و 111 ملیۆن و 653 هەزار و 387 دینار، کە بەراورد بە مانگی رابردووتر بە رێژەی 21.72% و بە بڕی 10 ملیار دینار، زیاتر بووە.

رۆژی 15ی12ی2022 ، دوای 30 ساڵ، حكومەتی هەرێمی كوردستان لەسەر دەستی قوباد تاڵەبانی بوو بە خاوەنی پڕۆژەی شەفافییەت لە داهات و خەرجی.

ئێستا رۆژانە دەتوانیت سەرجەم داهاتە نانەوتییەكانی پارێزگاكانی سلێمانی و هەڵەبجە و هەردوو ئیدارەی سەربەخۆی گەرمیان و راپەڕین لە سایتی شەفافییەتەوە بزانیت.

بەپێی نوێترین ئاماری سایتی شەفافییەت   www.shafafiat.com، بڕیارە هەموو رۆژێك داهاتی ئەو شوێنانە بڵاوبكرێتەوە.

PUKMEDIA