دیكۆمێنته‌كانی به‌شداری مه‌لیك مه‌حمود له‌ شه‌ڕی شوعه‌یبیە‌ ده‌گه‌ڕێندرێته‌وه‌ سلێمانی

CDO

وێنەیەکى دۆکیومێنتەکان

تیمی هاوبه‌شی ر‌ێكخراوی   CDOو ناوه‌ندی كوردستان بۆ دۆكیۆمێنت و لێكۆڵینه‌وه‌ی زانكۆی سلێمانی، گه‌شتێكی مه‌یدانی و كولتوورییان بۆ بیابانه‌كانی شوعه‌یبییه‌ له ‌به‌سره‌ ئه‌نجامدا، كه‌ مه‌به‌ست لێی بینینی مۆنۆمێنتی ئینگلزییه‌كان بوو، كه‌ مه‌لیك مه‌حموود له‌سه‌روبه‌ندی جه‌نگی جیهانی یه‌كه‌مدا به‌شداری شه‌ڕ‌ی شوعه‌یبیه‌ی كردووه‌.

به‌ختیار ئه‌حمه‌د، سه‌رپه‌رشتیاری گه‌شته‌كه‌ له‌باره‌ی گه‌شته‌كه‌وه‌ بۆ PUKMEDIA وتی: گه‌شته‌كه‌ ماوه‌ سێ رۆژی خایاند، كه‌ ئامانجی گه‌شته‌ كولتوورییه‌كه‌مان، بۆ له‌ نزیكه‌وه‌ بینینی مۆنۆمێنتی ئینگلزییه‌كان بوو، له ‌شارۆچكه‌ی شوعه‌یبیه‌ی به‌سڕ‌ه‌، بۆ بینینى ئه‌و به‌ڵگه‌نامانه‌ی كه‌ مه‌لیك مه‌حموود له‌ سه‌روبه‌ندی جه‌نگی جیهانیی یه‌كه‌مدا به‌شداری شه‌ڕ‌ی شوعه‌یبیه‌ی كردووه‌، بۆیه‌ ئه‌و مێژووه‌ بۆ ئێمه‌ی كورد زۆر گرنگه‌.

سه‌باره‌ت به‌ ده‌ره‌نجامی گه‌شته‌كه‌ش، ده‌ڵێت: له‌ مۆنۆمێنتی شوعه‌یبییه‌ كۆمه‌ڵێك ڤیدیۆ و دیكۆمێنت و وێنه‌مان تۆماركرد، له‌ داهاتوودا ده‌بێت به‌ به‌شێك له‌ ماتریاڵه‌كانی مۆزه‌خانه‌ی مه‌لیك مه‌حموود، كه‌ ماوه‌ی چه‌ند ساڵێكه‌ ر‌ێكخراوی CDO له ‌سلێمانی كار بۆ دامه‌زراندنی ده‌كات و بڕ‌یاره‌ له‌ ئەمساڵدا مۆزه‌خانه‌كه‌ بكرێته‌وه‌.

PUKMEDIA