سوپای ئەمریکا زنجیرەیەک هێرشی چڕی کردە سەر مۆڵگەکانی داعش لە سوریا

سێنتکۆم

دیمەنی هێرشەکان

سوپای ئەمریکا رایدەگەیەنێت: تەنها لە مانگی شوباتی ئەمساڵدا، 10 هێرشی ئاسمانیمان کردووەتە سەر زیاتر لە 30 ئامانجی رێکخراوی تیرۆریستی داعش.

ئەمڕۆ شەممە 14ی شوباتی 2026 لەبەیاننامەیەکدا فەرماندەیی ناوەندیی سوپای ئەمریکا (سێنتکۆم) رایگەیاند: لە نێوان 3 تا 12ی ئەم مانگەدا، چەندین ژێرخان و کۆگای چەکی داعشمان بۆردومانکردووە.

راشیگەیاند: ئامانجی هێرشەکانمان بەردەوامبوونی گوشاری سەربازییە لەسەر پاشماوەکانی رێکخراوە تیرۆریستییەکە و ئاماژەی بەوەشداوە، بۆردومانەکە بە بۆمب و موشەکی پێشکەوتوو بە فڕۆکەی جەنگی و هێلیکۆپتەر درۆن ئەنجامدراون.

ئەمەش لەکاتێکدایە، پێشتر سێنتکۆم رایگەیاندبوو پێشتر و لە نێوان 27ی کانوونی دووەم تا 2ی شوبات، 5 هێرشی تر کرابووە سەر سەنتەرە په‌یوه‌ندییه‌کان و ناوەندە لۆجستییەکان و کۆگاکانی چەکی داعش، کەتێیدا زیاتر لە 50  تیرۆریست کوژراون یان بە دیل گیراون و هاوکات زیاتر لە 100 پێگەی سەربازیی رێکخراوەکە بەتەواوی تێکشکێنراون.

PUKMEDIA